經過全球股市一輪血洗之後，隨即上場就是關稅加徵帶來的物價上漲。你估美國消費者先至係大輸家？香港這個最自由港都會受到影響，簡單而言，我用開十年的iPhone系列，如果不久將來要換新機的話，睇新聞報道，話會加價，閒閒 加到1.8萬港元，話貴唔係太貴，不過，少少「肉赤」不在話下。
剛剛跟美國返來的同學相聚，他是中產移民美國過好日子的成功人士，同學都以他為榮，然而，今次見面呻到樹葉都落晒，因為他日前去大灣區一遊，買雞蛋十幾蚊人仔一打，美國呢？折算大概十幾蚊人仔一隻，「仲未係天花板價錢，睇個勢特朗普搞出咁大壇 ，我返去（美國）就要捱更 通脹。」香港雞蛋幾多錢？超級市場湖北大雞蛋36蚊港元十隻。
咁平？咁咪補返條數畀我日後買iPhone囉。「你點解唔買華為手機？折得埋 款呀。」原來華為自從2019年列美國「實體清單」之後，所有華為產品除非得到美國商務部許可，先至可以買。「蘋果手機美國無生產，全部外移其他地區，全世界被加徵關稅，Steve Jobs翻生都無計。」
我講過對華為Pura X係心動，依然都未行動，我返大灣區買 作內地專用，係好方便，之不過，前睇後睇，左度右度，總之多多問題，例如望真 機身折痕好明顯 ，又想其他廠方會不會推出一部更平民化的16:10折疊新機？7499人民幣，去中山可以買到接近四千隻雞蛋，夠一家四口，慳慳 食足一年零幾個月，數目唔細，都係諗諗先。
朋友批評︰「iPhone你就捨得買。」係咩，我幾時講過？
