一山還有一山高，今時今日鬥邊個錢多，已經係最低級最無聊的比拼，因為過去幾年升得最急最快\u5605資產，絕對唔係股票或者不動產，而係虛無縹緲\u5605貨幣，甚至係冇息收\u5605黃金，好多連富豪榜都唔知係乜水\u5605低調年輕人，隨時係富甲一方。
至於非富則貴的闊太圈子，個個身家深不可測，早已不再鬥名牌包包或全身Logo，更加不會鬥副尊容，老老實實，誰是醫美美人？誰是純天然？早就一目了然。現實是今期流行鬥Wellness，即係鬥健康狀態，誰的身形比例與肌肉最均稱？皮膚質素最逆齡？雙眼最炯炯有神？精神狀態最充滿正能量？一切一切都不是可以簡單用錢買來。
身邊有位女兒已中學畢業的有錢靚太，近年閒來專注玩瑜伽，亦醉心普拉提，身材Fit到爆炸，完全冇半點贅肉，但又唔會齋瘦似飢民，簡單Mix And Match已可穿出個人風格，擁有青春少艾比不上的氣質。
話說身邊有位公關大姐A，其正就讀某國際學校第十班\u5605囝囝，自十四歲那年已開始好勤力做Gym，舉鐵更是等閒，平時以白烚雞胸肉飲奶粉操肌，同學間鬥\u5605係邊個最快練出六\u56bf腹肌，原來近年班仔流行連平時傾偈都要挪起件衫來互相比試鬥大隻。
另一位閒來有跑馬拉松的Banker女友M女士，與其近年迷上划艇運動的「逆流大叔」老公，不約而同話佢也仍在就讀高小的小女兒，近期竟愛上了玩普拉提，連馬甲線都已成形。天啊！看來自己都係時候反思兼行動了，然而，唔止投資，其實連做運動都係好講求紀律和執行力，捫心自問，反而係最難一關。
