現代科技帶來大量問題，但同時帶來的方便與樂趣，卻遠超其產生的一切負面效應。
沒有甚麼事無緣無故發生的。如今見到所有現代人，不論年紀，絕大部分似中晒手機毒，行又睇，坐車又睇，食飯又睇，連\u63f8緊車或過馬路咁危險都照不停睇，點解？這已經是一門心理科及精神科的深層次研究！
無可否認，小弟也是「手機族」，簡直機不離身（也甚少離眼），事實，冇\u5497手機，已幾乎去到無法生活境地。例如前朝坐高鐵到貴州，冇手機點掂？因高鐵票就在手機內，過關靠晒佢。過境後，想與香港保持即時聯繫，也百分百靠佢，只有如此，訊息才能秒秒流通。
手機，真真可以創造以前齋\u564f的——天涯若比鄰。不只比鄰，簡直就似身處現場。
我最愛賽馬，未有智能手機前，若身在外地，一到賽馬日，個心就囉囉攣，周身似蟻咬，因投注又麻煩，想知賽果也絕不可即時，冇癮。這種感覺好難向外人解釋，只有「堅貞馬迷」才會有共鳴感。
好\u561e，有\u5497智能手機，簡直發大達。不單可即時落注，更可上網睇賽馬現場直播，全面掌握沙圈動態及落飛走勢，百分百與身處香港沒半點分別。如今我不單凡到外地會帶手機，更帶埋iPad，大大個屏幕睇直播，快樂無比。
寫此文時，正身處貴州，剛剛中\u5497周三第五場二重彩，在酒店房內邊嘆紅酒及Room Service，邊玩賽馬，感覺相當夢幻。
今次旅程明天結束，回港高鐵上訊號不佳，要預先度定及落注。周三提供全熱門「佛亮老撾」竟變「山埃」，告東尼欠大家一個解釋！明天告仔必須贏返「中華盛景」及「又龍串鳳」Q，替我填\u6c39呀！
