年初一，ERROR成員吳保錡在社交平台上載一張與陳百祥的合照，自稱「ViuTV叻仔」，結果不止掀起「脫粉潮」，更拖累隊友。
起初佢唔知點解會咁，於是用輕佻搞笑態度回應，這 更大大鑊。相信幕後不少關心佢的「智者」，立即出口點醒，故才急急發文正式公開道歉。
但Damage is done，有排補鑊，正懵仔！
小弟當年負責管理香港電台第二台，年輕人電台，旗下「老虎仔」DJ眾多，個個叻仔叻女口碼玲瓏活力無限反應奇快，兼且不少有明星魅力，故好快上位，粉絲萬千計。
處身這種狀態，難免有點飄飄然。加上入世未深，分析能力較薄弱，經常「想做就去做」，結果頻頻做出與自己及電台形象不符的蠢事（無謂舉例了）。
通常我要召出事者入房，在不損對方自尊心情況下，解釋錯 邊。對，做的並非犯法，只是絕不配合公眾期望及形象，故嚴肅忠告不要再做。
年輕人反叛，正常，多數人即時反應有二：一、為乜佢講得做得，我唔得（通常為其他電台）；二、點解我冇自由做自己喜歡的事呢？
呢類疑問，好易令對方明白，只要舉例：「特首或大法官都是正常成年人，若你見到佢 著住睡褲拖鞋，咬口煙 在投注站外面度馬經的話，有乜感覺呢？點解一般街坊阿伯個個有自由做而佢 冇？你唔使而家解釋，以你的聰明及智慧，一定明我講乜的，返屋企慢慢諗啦。」十次有十次用呢個例子，個個立即明白，絕少會再做出與自己及香港電台形象有衝突的行為。
吳保錡完全有自由與任何人影相及認叻，不過既已是成年人，總應該知會帶來甚麼效果的（自己及隊友）。
