全城繼續熱烈討論《破．地獄》。呢套片真的是「破」，相信會破盡一切港產片紀錄！既然熱潮如此勁，楊局長會否立即食住上，搞個「區區破地獄」，更在機場搭返個打卡點呢？
通常一套電影大賣，除人人爭住入場外，更重要是大量觀眾會睇多過一次，睇完又睇，小弟身邊已不少朋友睇 兩次。資深影迷睇第二次，主要細味所有劇中人的演技。
論當紅、曝光、知名度、 飛，當然首選黃子華，次選許冠文。但論演技，最頂級係咪佢倆？看台（我身邊業內人）公論，絕對唔係。
黃子華與近年的劉德華的確紅，但演來演去，都似在演同一個模式，離不開自己影子，結果就是黃子華演「黃子華」、劉德華演「劉德華」。
許冠文又如何？無論講對白的Tempo及表情，每場的眉頭眼額移動，皆與昔日電影中的許冠文極端相似，即大部分時間又是許冠文演「許冠文」。
邊 演員會完全冇 自己呢？
隨口數數：劉青雲、梁家輝、黃秋生、謝君豪、吳慷仁、大鵬、林家棟、張繼聰 以至近年明顯升呢的郭富城！
《破．地獄》中，公認演技最耀眼，當然為衛詩雅及朱 康，兩人 戲甚重。
但論印象深刻，只出幾個鏡頭，扮演一位情深款款女同志，拼命爭取見愛人最後一面的梁雍婷，真是犀利無比。這位中泰混血兒，去年憑《白日之下》奪得金像獎最佳女配角，已令人口服心服。今次只出幾分鐘，已似超強磁石，演出令人無法忘懷。
一套戲如此成功，當然由眾多因素結合，希望今日開始，看台的射燈，不再只集中照耀黃子華與許冠文，可否將更多光芒，放在衛詩雅、朱 康、梁雍婷身上呢？
