(曾智華)
以前就話有圖有真相，去到今個年代，AI氾濫，變\u5497有圖未必有真相。
執法及司法界老友無不呻，大鑊！以後呈堂證供相片影片，點可拆解究竟是真是假呢？
尤其科技越進步，假的睇落分分鐘真過真。
小弟上網睇到的廣告，凡涉及醫療美容及補充劑的，一律唔信。事實，如今的廣告，特別強調有減肥及回春效用的，全部當消費者係豬頭，求求其其搵個肥或老茄喱啡，拍張相，再用AI將佢變瘦變\u5497後生，就呃呃騙騙話係食\u5497乜乜物物的效果，真係信\u5605都要驗腦，設計廣告的，也是豬頭一族。
講到外形，女性不少靠化妝，未化妝，幾大唔見人。呢呢，小弟早年的女拍檔正是如此，好過癮，凡早上未及化妝趕返工，就幾大唔准我直望，故此，要頭耷耷做電台節目，直至佢「完工」。
退休新聞老總B哥，上世紀八十年代中英談判時，跟行政及立法兩局游說團四出奔波，遊走北京及倫敦，採訪香港前途大新聞。
當年某重要人物D姐，非常濃妝（此乃最潮女強人化妝\u5569？），加上名牌英式套裝，一出現已氣場壓人，更甚，佢能力絕高，等閒之輩隨時畀佢省到飛起，但冇得唔服。
某晚在北京，B哥深夜收到非常重要倫敦訊息，要立即印證聽取港方回應，以便凌晨交稿畀香港報社落機印報紙。
本來唔應該，但無奈仍硬著頭皮到酒店，拍D姐房門，希望取得第一時間權威回應。
拍拍拍，幾分鐘後門打開，B哥口震震問對方：「請問D姐\u7793\u5497未呢，我想訪問佢兩句！」B哥從來冇諗過，眼前的女士正是D姐！因為絕難幻想，原來D姐未化妝的樣貌，與化妝後\u22ef\u22ef即係點？大家利用自己想像力諗諗啦。
