曾智華 精彩人生自己創
大家隨便嘲笑我啦，抵死\u35ce。
周三信心滿滿，本欄大字標題《一注獨贏巴米高》，太招搖了，立即被馬神一棍兜頭扑，米高仔竟然一場都冇入位，騎師王零分出局，真係瘀爆玻璃冇命賠。
跑馬就是這樣的，瘀完又\u569f鍊過，睇睇我能否邊度跌低，邊度彈返起身。
周三最可喜現象，為見到早前重傷，被指有排唔騎得的殿堂騎師莫雅，火速復原並交出巔峰狀態。睇佢爆隻「凱旋升」，真真犀利，無論膽識與最後一百米發揮，皆去到藝術家級，大家可以睇片重溫再重溫欣賞。
明日又再興奮死，四場國際賽，唔使點度\u561e，千二米、千六米及二千米三關，一於捧香港隊，應該可以大唱——Hong Kong我愛Hong Kong！
三場投注策略，簡單，三串一！頭關當然獨取馬膽開「嘉應高昇」行返終點；次關三隻買晒：「遨遊氣泡」、「錶之銀河」及「祝願」；三關當然選回復最高水平的「浪漫勇士」。呢條三串一，肯定冇錢分，但勝在可以有得嗌，此乃睇跑馬最大樂趣！
唯一需要動腦筋為「香港瓶」，跑二千四百米，如此長途，從來不是香港馬強項，因香港甚少大長途賽事，馬主當然不會以天文數字購入頂級氣袋馬啦。故此，必成外隊天下，湧住\u569f執錢也，老友，二千六百萬元總獎金，唔\u5622少\u35ce。
長途賽，絕少機會符碌，亦較少機會碰撞或跑錯馬，應以實力先行。
高分馬岳氏家族壟斷頭兩隻，可以眉來眼去，「南加名城」及「班霸實力」要晒。若多一隻，小弟推薦「愛蹄村」，往績勁揪，出五次，兩W兩Q一第四，上場跑二千四百米由頭帶到尾勝出，表現亮麗！呢場就用以上三匹買Q、PQ及二重彩複式。
