(曾智華)
文化界及出版界皆知，今時今日出書死亡率之高，相當驚人。
辛辛苦苦度內容寫一本書，又要設計，又要校對，又要印刷，又要發行，才到零售，你一定認為嘔心瀝血，應該總有人欣賞，點都有少少市場價值\u5569？原來十次有七八次係——作者諗多\u5497。
不過，出書一如歌手出唱片，是一個目標，一個美麗的夢，不少人寧貼錢也渴求有個「作家」身份。
結果呢？市場最殘酷、最現實，十本有八本上架不久，已要運去堆填區。
小弟有幾位朋友自資出書，冇人買之下，凡朋友都送，以及自己從出版社以六折買晒。但弊！唔知擺去邊？
不過，話說回來，又唔係本本都唔賣得，間中有本爆大冷，令出版商賺到笑\u35ce。
例如，三年多前老人科專家梁萬福醫生的《好好準備變老》，就賣個滿堂紅，長期高踞暢銷書榜冠軍，印完一版又一版。我這個「奔七」族也兩次被邀到書展與梁醫生開壇，台下坐滿讀者。點解？Hit中市場需要！
香港人口全面老化，60歲以上已超過二百幾萬，全要有生理、心理準備迎接老年來臨。梁醫生的書非常實用，故賣個不絕。
近月又有一本書走勢凌厲、全港書局賣清光，正是「美麗女教授」利嘉敏的精心之作《逆齡生活日常》。一講逆齡，已百分百命中市場需要，怎不火速搶晒？不少老友知我與嘉敏熟，求問幾時再有得賣。
「碌Sir，其實我都估唔到咁受歡迎\u35ce，因內\u88cf資料繁多，成本重，市價要賣168元，出版商及我都怕因定價高，市場未必能吸收。」結果？貴唔貴，全講內容，市場證明，168元根本抵買，才兩\u5413冇清光。
「趕印中，望年底再版啦！」利教授開心答。
