黃秉華
朋友是大公司管理顧問，據悉，公司已經不太願意再聘Junior，何解？「你平時有無用AI處理工作？」當然有，我無時無刻離不開AI。「係囉，以前Junior做的工作，例如搜集資料、起草報告、整理PPT等等都用AI，好使好用，咁，Junior仲有乜\u5622好做？」
我是新聞人，歷經幾個十年，當初無個人電腦，亦不懂中文打字，加上無互聯網，寫篇專題新聞，做得似樣\u5572，都要一星期或以上。「你好誇張\u5643？」點會誇張，「譬如我要做香港近年汽車增加對社會影響，我先要去圖書館Hong Kong Collection搵相關數字，再打電話周圍接洽專家訪問畀Comment，大哥，無WhatsApp嘛！」我唔係作故事，珍珠都無咁真，而且都是上世紀九十年代之經歷。
「係囉，依家讀商管仲邊有前景，讀\u5497都無人請，公司都用AI，更可怕AI越來越叻，點搞？」係無得搞，科技取代人手，是現代化的自然趨勢，老闆睇數字做決策，唔會考慮AI會造成人力斷層，年輕一代亦唔好跟公司談戀愛，最緊要有一門手藝。「乜\u5622係一門手藝？」就係平時你把專長當興趣來玩，越玩越精，有人需用你的專長做事，你坐埋位就可以一個人處理。
「明白，一門手藝未夠，你有多元化手藝，可以『斜槓』搵食，咁就Very Good。」
教育需與時俱進，否則花十年二十年光陰，到頭來搵唔到食，社會便出現好大問題。馬雲之前講，教育理想模式就是教學生如何去玩、讓學生發現個人興趣，今天想起來這是非常正確。
