曾智華
最近向專事研究電騙的學者許佳龍教授請教，點解警方好似束手無策，佢都搖搖頭，覺得冇晒符，因網上騙子多如恆河沙數，滿布全世界，若無跨國偵查及執法權力的統籌機構，好惡搞。
基於電騙是一個天文數字收入的「行業」，利潤大得驚人，故此，加入的各路人馬，「正邪」不分，當然包括各地，尤其落後國家的大小官員及金融機構從業員。這就解釋到，點解咁多苦主財務或官方紀錄，紛紛流入騙徒手中，令佢\u54cb可以扮成「真\u5605一樣」的各式調查人員，直攻受騙者最虛弱的死穴。
一個國家，居民越富有、越純良，就越易攻陷。故此，亞洲區中的新加坡，中招者不知凡幾，因該國人民最單純。主因由李光耀開始，就實行高壓式家長管治，以法家精神，面對暴力罪犯，一律嚴刑峻法，殺無赦。尤其一招文明地方唔用的，正是笞刑，將罪犯屁股打到開花血淋淋，打完後長期坐不下，\u7793也只能趴住\u7793，慘無人道，苦不堪言，然後，當然要繼續坐監。
坐監，對不少慣犯根本唔驚，但一聽屁股被鞭到開花，立時嚇到面青腳軟唔敢犯。
點解新加坡咁多騙案？正因國民純良易呃又經濟富裕，真係唔呃你呃邊個。再者，騙案並非暴力罪行，拉到唔使行笞刑，破案率又低，騙徒覺得博得過。
不過，如今掂晒喇，因當地已通過立法，將笞刑納入詐騙罪行。任何罪犯被控詐騙罪成，大大鑊，最少打六鞭，主謀或重犯可以打到二十四鞭，再監禁最長十年。你話係咪令騙徒聞風喪膽嚇到標尿呢？相信從此國際騙徒連新加坡都唔敢去，你估未死過咩？
我\u54cb香港又如何？應該有排跳慢四步，天光仍未有雷霆手段呢。
