灣仔告士打道72號六國酒店巴士站對開，今（29日）早上8時25分，一部104號路線城巴，駛至上址巴士站落客後駛離，此時一名年約70多歲老翁，因上不到巴士竟用拐杖掟向車身，車長駛埋站讓他上車，惟老翁上車後，與車長發生爭執，老翁用拐杖襲擊車長的膝蓋，車長報警求助，其後雙方和解，沒人被捕。
涉事城巴。蔡楚輝攝
涉事城巴留在現場。蔡楚輝攝
車長解釋事件經過。蔡楚輝攝
事後車長向本網表示，他駛往上址落客後，因看不到老翁揮手截車，因此駛離巴士站，此時老翁用拐杖掟向巴士，「佢話我唔停站，我真係睇佢唔到，於是我扭返埋站，佢上車，大家爭執，佢搵拐杖打我膝頭，我冇乜大礙，依家和解咗。」
車長說因報了警，車上所有乘客都要下車，包括涉事老翁，要再等下一部車。「我之前冇發生過呢啲事，今日係前面有車落客，我跟住都落咗客，阿伯遞手截車，我睇佢唔到，佢搵拐杖掟我架車，有證人落晒口供。」
