(黃秉華)
著西裝打呔、\u651e大哥電話有乜\u5622用呀？對美國矽谷成功人士而言，真係無鬼用，這班人最緊要型！你可知否，平平無奇，次次出場重複一套衫，係貴到普通人買唔起。
英偉達CEO黃仁勳突然之間轉\u5497個Look，令人奇怪，事關他經營個人形象，好難得亦好出位，有人喻他為IT搖滾男神，風格勝過蘋果教主喬布斯，也拋開臉書的朱克伯格成條街。但卻料不到他走到北京同北大人會晤時，十足一個標準推銷員打扮，唔明，實在唔明點解，黃男神悉心挑選的皮褸價值過億（美元），都當我計少\u5497，其價值不是皮樓賣幾多錢，而是估算背後的形象價值。
簡單講，男神有個顧問團隊幫佢設計，男神一年四季一年到晚飛全世界，清一色皮樓一度，大家可知越貴皮樓越重，\u5b6d起皮樓確有幾公斤重，你練上山下鄉、落雨打風都可以\u5b6d起周圍走，保持從容，唔簡單\u35ce！事關我猜想男神團隊中有多位健身教練，平時要Keep Fit，再有「武術指導」之類的動作設計專業人士，教你點樣走位同埋識得節省體力，當然美術指導更加少不了。多方配合先至得出男神的皮樓Look，十足舞龍咁舞。
喬布斯是嬉皮士出身，他十年如一日的Geek（極客）Look很隨意？錯，矽谷行家表示，蘋果教主那款高領黑毛衣，乃日本大師三宅一生專門設計，他的牛仔褲想必都不是隨隨便便在三藩市生產的Levis。至於朱克伯格灰色T恤配牛仔褲是意大利名家之作，最巴閉他預足成個貨櫃咁多件去挑選和替換。
期望男神可以上春晚，再穿一次中國服同機械人跳插秧舞。
