旺角中心有手機配件店，日前有兩名小童在店內懷疑偷竊，店家報警並公開事發天眼影片，其中一名小童母親翌日攜子登門道歉付款，店家表示目前仍有一名小童未有現身。
部分網民指涉事者只是「細路仔」，認為店家不應報警，「叫佢哋歸還道歉就得，畀個機會人啦。」店家則解釋「等咗大半日」，至當日晚上11時才報案：「其實報警唔係因為想致佢哋於死地，但至少都要畀個教訓佢哋。」
兩小童旺角中心疑偷竊 店家報警出Po公審 其中一童母翌日攜子登門道歉付款↓↓↓↓
店家先後公開兩段天眼影片，其中一段看到一名揹紅色背囊小童與一名著綠色衫小童，站於貨架前，綠衫小童似在「把風」左右觀望，兩人一路交談，神情自若，紅色背囊小童將一件物品從包裝上取出，並用手機遮蓋後轉身走人。
另一段影片看到綠衫小童在貨架上，取走一盒平板觸控筆，之後與紅背囊小童轉身離開，店家指，該綠衫小童疑將平板觸控筆「攝落手袖」偷走。
店家：睇佢哋手法同膽量，應該係慣犯
店家在帖文中指斥該兩名小童為「小偷」，「咁細個學人偷嘢，睇佢哋手法同膽量，應該係慣犯，宜家香港地做生意已經唔容易，仲要畀人偷嘢。」店家又指出，兩名小童「試過落手一次，但唔成功，有同事行咗過去，跟住佢再扮睇其他嘢，再搵機會再落手」。
有網民認為店家不應報警，「佢哋只不過細路仔，唔洗報警搞大件事，樣你地都放咗出嚟，叫佢地歸還道歉就得，畀個機會人啦。」不過有網民則支持店家嚴正處理，「一定要報警由法官處理，今天不教將來仲難教」。
店家解釋報警：至少都要畀個教訓佢哋
店家則回應：「其實報警唔係因為想致佢哋於死地，但至少都要畀個教訓佢哋。」店家指出已「刻意等咗大半日，睇下佢會唔會返返嚟」，結果當日「夜晚11點先報案」。店家表示：「如果同事當場留意到，捉到佢，最多都係嚇下佢，未必會報警，但宜家捉唔到佢…就要用其他方法比個教訓佢哋。」
店家其後再發帖更新情況表示，其中該名揹紅色背囊的小童，其母親翌日「特登請假帶佢嚟道歉，同埋畀返件貨錢」，但另一名疑偷走平板觸控筆的綠衫小童，則未有現身，「可能以為神不知鬼不覺」。
店家表示：「因為紅色背囊小朋友願意承認錯誤，我哋都即時將冇打格仔嘅片下架、希望佢可以改過自新，大家都唔好再追擊呢位小朋友。」
同場加映：馬鞍山小學生公仔鋪疑搗亂偷竊 同行母親被指兇店主 辯稱：「好奇係孩子天性！」↓↓↓↓
