本欄賽馬貼士，上周日又來一啖砂糖，不過，是完全冇味的砂糖，因 都識貼的兩隻Sure Win馬勝出，毫無滿足感。
不過，有點奇，肯定贏的「嘉應高昇」及「遨遊氣泡」，W二串一，我「重錘」買一百蚊，竟然派一百六十幾蚊。結果不單夠兩 飯，而是四 飯，都算大隻蛤 隨街跳，哈哈！
今日標題《誰是「發財騎師」？》，有此一問，當然不會是潘頓、布文或田泰安呢類前領騎師啦。
觸發我專誠研究，乃因早前小弟指出，南非仔董明朗乃練馬師蘇偉賢冷殺手，久不久趁大家唔覺就爆一隻。當時剛爆出一隻從未上陣的「假面騎士」，二十八倍。其實此馬早前試閘試跑，已一放絕塵，不過，冇人信呢位成日有馬跑而冇馬贏的騎師會爆 。
結果上周日又來一劑，更杰撻撻，爆出八十四倍巨冷「始終如一」。馬評人與馬迷個個呆 ，因橫睇掂睇左睇右睇，此馬都冇一「忽」似有機會W。出賽五次，四次跑近包尾，輸三個至十一個馬位，今次也完全冇動靜，閘前六十幾倍跌到八十幾倍開跑，是否「爆呔」？唔似，因最後一百米已篤定Easy Win也。
跑完，我即翻查紀錄，發覺不得了。原來今季至此，董明朗贏出七匹馬，當中六匹來自蘇偉賢旗下，三匹大冷，一匹半冷。董仔替蘇廄跑 五十六場，即若場場十蚊買W，總數五百六十大元，但你可知派彩多少？一千七百二十元！一個龍虎榜排第十九的騎師，原來是個「發財騎師」！大家以後執生！
今晚我會用二百蚊玩第一場，必定「贏」，因只出馬五隻，串勻Q及複式二重彩五蚊，睇佢開乜！以往紀錄，少馬場次必爆，且看今次會否也如是！
