(曾智華)
粗口，雖然是全球最普及的市井文化，但希望大家行使呢種文化時，應該考慮身邊的人、事、物，而不應單單話「我有自由四處爆粗」。
因粗口內容極具攻擊性或侮辱性，聽之令人不安不快不舒服，尤其真真正正想到那些粗鄙行為與各式器官時，也覺惡心。
我肥碌絕非斯文人，由中小學讀男校開始，到踏足職場面對光怪陸離人物，周圍都不少人滿嘴爛口。幸而講粗口者到底都知會破壞自己形象，故未噴前多衡量一下環境。
但近年有一奇特現象，年輕美女日趨爛口化，無論在街頭或在商場，皆見青春無限美少女，離遠睇，長髮披肩，皮膚白嫩，衣著入時，可愛無限。但慘情，當三五成群時，一走近，哎 ，乜搞成咁，一朵朵鮮花驟變「爛口妹」，成串成串不堪入耳的腐敗性器官，由佢 口噴出。係呀，佢 絕對有 壞自己美好形象的自由，咁我又點，餐餐唯有彈開囉。
總唔明，搞到自己咁靚香噴噴，但又搞到個口咁臭 乜 心態呢？成口臭器官好可愛有型乎？呢類講粗口畫面，令人厭惡又可惜。不過，早前見到另一幕，又幾鬼笑甩牙。
小弟食早餐的茶記冇洗手間，要去，就去隔籬商場。商場玻璃大門又高又重，普通人的力度只能勉強推開，故此，我行出行入，凡見公公婆婆，例必替佢 又拉又推，舉手之勞也。
昨早跟著個老伯，一睇就知係附近屋 街坊，約八十歲，當然冇乜力，行在我前面，推 兩 都無法推開玻璃門。當我正想代勞之際，佢突然紮起個馬，大喝一聲：「我X你老XXXXX！」哈哈哈，笑到碌地，恍似神力上身，一 就將玻璃門推開。老友，爆粗威力確不簡單呀！
