喂喂，各位，今日標題並非形容我呀。雖則周三小弟恍似能預知未來，本欄貼士聲明第一場得兩隻跑，分別為「大將」及「上市魅力」，結果我這個「山埃王」竟化身馬神，百分百中正。
更奇在只得兩隻跑，條Q竟派251元，二重彩更有337元，簡直超晒賠率。
講明呀，神仙貼馬，也會永遠一啖沙糖一啖Z ，千祈咪重錘，最多買十蚊雞好喇。
講到精準貼士，有一個人畀的，必須跟，正是《賽馬日在線》的「零零亨」。
每個賽日，我只睇呢個星島集團的線上直播，因有齊所需的資料外，也多娛樂花絮。例如凡「零零亨」出現，你就要留神。
因佢餐餐隱身沙圈附近四圍 ， 乜？正是 騎師有冇家人突然到場，尤其遠道而來。
這是心理學ABC，男人皆愛威，尤其做得騎師及練馬師，更有燃燒的英雄感，渴望在家人面前展威風。
就這種心理，騎練凡有家人到場，必會熱血在身體內沸騰，盡力「安排」自己贏馬。「零零亨」正是要搵出「今日邊個 」，作為投注指南。
早一輪最精準報告，為見到方嘉柏家姐入場支持，幾日內方仔頻頻贏馬，家姐次次有份在凱旋門出現，方仔幾風騷，大家可記得？
同時當你見到潘頓老婆拖住成家出現，已可預知「軟硬鞭」當日會場場出「硬鞭」 。
周三「零零亨」又帶挈我中正，因畀佢 到廖康銘囝囝突然入 場。另外，霍利時則由南非到港，捧乖仔霍宏聲場。結果當然兩人又交足貨，攜手炮製一W兩P。
明日國際大賽前一戰，戲碼麻麻，求其玩 。
決定集中欣賞麥道朗騎技，「精彩動力」、「卓越蒨鋒」及「慶萬家」WP三串七，全部外檔，應會好分！
