最近與幾位高官飯局，一致認為香港由治入興後，做決策官員易 好多，事事可以快速順利推行，議員不單止不再雞蛋\xf9堿D骨頭，反之，任何法例上到立法會，鋪鋪幾乎全體舉手，非常夢幻，2020年之前，真係冇個官會諗到可以如此「依斯執」（Easy Job）的。
至於傳媒及市民，更加「馴」晒，以前做高官，似日日步入黑洞，因唔知下步會有乜 發生也。
「咁係好定唔好呢？」我真誠一問。 ，竟然個個默然，冇人再發聲。
等小弟講啦，無無謂謂的Haters式挑剔，當然有破壞冇建設啦，但為香港大利益的提醒、批評，甚至監察，實在極之有需要。
遠的唔講，單講講夏寶龍主任的重要指示——無處不旅遊，以及不停強調，一定要搞好香港「三港」（海陸空），方便發展經濟，方便吸納遊客。
而特首也日日鼓勵香港市民，無論走到世界哪一個角落，都要「說好香港故事」。
夏主任及特首動機正確又良好，見到佢 擺明上心上腦希望香港好。但講完大方向，難道兩位自己落手落腳去前線做？
當然係一層一層由上而下（本來最理想是由下而上，層層自發，唔使大老闆指示的），特首司長局長處長專員 齊心協力。
但香港市民見到的現象，又係點？
真真令人氣餒，單講個郵輪碼頭，已經有如童謠——醜醜醜，醜甩耳仔送燒酒。兩年之內，一而再，再而三接駁交通搞到一鑊泡，個個遊客落船後即變「孤魂」，上周又 ，一宗小事都搞極唔掂，遊客點會「唱好香港」？
大家都知我好討厭特朗普，但佢有一絕招，小弟舉腳支持，正是永遠不拖泥帶水，遇到無能庸碌下屬，必立即當機立斷——You Are Fired！
