想在香港地創業，租個地舖隨時淪為失敗之母，有心有力想做好，賺得到準時交租亦未必保得住一盤生意，小小咖啡店裝修骨子兼有Taste，有誠意出品水準高服務又好，儲到一批回頭客，更成為打卡勝地，生意好到不得了，竟然變成被地產霸權夾埋無良有錢人的獵物。
勢估不到差不多買齊附近幾條街的大業主，竟然夾埋外人挾你拱手相讓， 架超跑 睇場，租金仲要比你畀緊的平一截，擺明跟業主自己友，租約本來寫到明退租時要將舖位還原，但係業主忽然扮好人，叫你唔需要拆除裝修，以為慳返一筆？原來新租客睇中你的裝修和店內設備，一個崩頂手費都唔想畀，租個舖位給富X代囡囡諗定縮數生意即做，話說店內單單係一部咖啡機，二手價都閒閒 四萬大元，對方擺明以為這位老闆是 小女人一名，越諗越唔抵，新租客有心搵笨，在我等損友強力勸喻下，縱使有幾唔捨得 裝修心血，都要拆掉還原始退租，千萬不要向利益集團低頭就範。
當香港的填鴨式教育只能夠成功打造專業打工仔，特別欣賞具備破格思維及開創精神的創業者。可惜這些年的香港地，即使做生意遇上好業主，食物質素高服務好，亦敵不過市場。另一間由兩位八十後，曾於日本札幌研習料理，擁有二十年廚藝經驗，致力將原始食材的味道提升至更高層次的年輕日本料理廚師，敵得過疫情，理想很大，現實卻很骨感。位於金巴利街、食過返尋味、性價比超高的晴空日本料理，下月黯然退場，唯有趁可以自主尋味的日子幫襯多幾次。
