小時候經常被老師及長輩篤住個額頭教訓：「你呀，好心做壞事呀，應該咁咁咁\u5416嘛。」
對，正常有責任心者，會不時想改善現實環境，故此時常思考新制度、新方法。不過，在推出前，若冇做足諮詢（持份者）及反覆討論，就\u55f1\u55f1臨出台，好易變反效果。
莫講一個人，大到政府及總統，皆會經常犯此錯誤。不過，若是大權在握的惡霸做錯\u5622，當然冇乜人會兜口兜面指出。
過去兩日，相信馬會管理層，人人個腦都會有負能量感應——因大量馬主對佢\u54cbMM聲。
乜事？正是好心做壞事囉。
落過沙圈又拉過頭馬者必知，馬場有不少「攝石人」，經常博懵扮馬主朋友閃身入沙圈，偷聽騎練與馬主交流，又或當有馬勝出時，側側膊黐埋馬主旁，扮有份拉頭馬。
其實馬會早早知道，但從未認真趕走「攝石人」，因部分可能根本是會員。
但近年情況越來越離譜，相信也有不少馬主投訴，故終於決定趕絕「白撞人」。
趕絕當然個個叫好，但一睇公布今日開始會實施的方法，就噓聲四起，因推出的馬匹亮相圈許可證章，煩到抽筋。首先，不同日子、不同馬匹、不同場次分不同證章，兼且限住數量，之外，申請及領取方法煩過「何非凡」，馬主不少達官貴人時間寶貴，真係鬼得閒又排隊又打電話又電郵申請咩。
老友「馬主F」勞氣話：「今時今日乜都科技搞掂，整個QR Code有幾難？簡單事情複雜化。」
睇\u569f馬會此新政策唔跪低都幾難。
今日二班泥地，廖廄馬海戰術，出三匹，迎戰應是大熱的「太陽勇士」。後者戰意鮮明，凡出必拼，但勝出無味。我會改要「精英雄心」，喜歡佢個名夠正氣，5歲大熟，跨季再W啦。
