曾智華
明天萬眾期待，正路的，當然是睇中國抗戰勝利80周年連串活動，尤其是閱兵儀式。當今中國的軍力，可能仲有好多\u519a手，唔會咁易曝光，究竟今次會Show幾多Quali呢？全球大國軍方高層，必會錄影一切，放大睇完又睇，驗完又驗，一一拆解。到底最大對手有幾多「肌肉」？必須清清楚楚，否則一旦埋牙才發覺矇查查，咁就好蝕底。
明天除睇中國閱兵之外，仲要睇乜？當然係睇特朗普有乜表演。
眾所周知，狂特又名「不甘寂寞特」，上場後，不時霸住全球舞台的中央，日日做男主角，幾大唔畀任何人逼近舞台中央。
好\u561e，周三全球聚焦北京，可能搵鬼理佢。嘩嘩，若如此，佢咪絕對空虛？點掂？估計必在默默部署出招。究竟會係乜？等睇！
北京軍演必好睇，張賓客名單也好睇，因從請邊個，已可清楚知道中國同邊個Friend與唔多Friend。
一如正常人婚姻嫁娶做大壽，請客名單，全面顯示親疏，好有研究價值。
今時今日，中國在外交上，基本與全球各國都有禮貌性接觸，外交部長與領袖經常互訪。不過，一旦以我為主的大喜慶時，處理立即不同。
小弟早指出，北京一定不會請特朗普出席閱兵，因佢除冇大冇細、口沒遮攔、莊閒不分外，最重要是北京的外交顯示——我\u54cb唔係好Friend。
雖然狂特口口聲聲話欣賞習近平，又話係好朋友，講到好似流晒口水想即刻飛北京，但中國領導人文化非常慎言，絕不會陪佢下巴輕輕，反之，趁機會以唔請佢來表明立場。
明天除睇清各國領導人姿態外，另有一重要外交顯示，為排位。
一如擺酒，究竟邊個坐主家席呢？
