網上流傳一段車CAM影片，片中見到一輛私家車尾隨一輛藍色Tesla私家車沿大埔汀角路行駛，至露輝路交界的「孭仔燈」燈位時，Tesla突然收慢，私家車扭軚閃避，撞到剛巧駛至的一輛電單車。電單車被推向路邊石壆，車尾鐵箱遭撞散，鐵騎士更凌空拋飛再墮地。意外發生後，私家車女司機立即落車，但竟然舉起手機拍攝Tesla私家車，之後才上前了解鐵騎士的傷勢。同時，現場亦有另一名熱心鐵騎士上前協助報警，片段就此結束。
私家車尾隨一輛藍色Tesla私家車沿大埔汀角路行駛。
Tesla突然收慢，私家車扭軚閃避。
私家車撞到剛巧駛至的一輛電單車。
電單車被推向路邊石壆，車尾鐵箱遭撞散。
鐵騎士凌空拋飛再墮地。
意外發生後，私家車女司機立即落車，但竟然舉起手機拍攝Tesla私家車。
意外發生後，私家車女司機立即落車，但竟然舉起手機拍攝Tesla私家車。
女司機其後與另一名鐵騎士上前協助報警。
不少網民認為私家車女司機的駕駛態度有問題，落車後未有第一時間了解鐵騎士的傷勢，但亦有人認為Tesla未有打燈累及女司機，「落車仲施施然，唔第一時間去睇個電單車司機」、「跟車太貼」、「同架電單車有仇!!」、「希望2轆司機無事」、「落車仲諗住追究影人相都唔即刻去睇個傷者」、「影藍色車車牌有乜用，自己手車屎跟車貼累人累物」、「又無睇燈 又無睇車 又亂扭軚 」。
事件發生於今日（4日）早上11時許，一輛私家車沿大埔汀角路往大埔方向行駛，至露輝路交界時，前方車輛突然收慢隨即扭軚閃避，詎料與一輛電單車發生相撞。59歲姓麥鐵騎士人仰車翻，幸仍然清醒，他手腳擦損及腰痛，由救護車送往那打素醫院治理，48歲姓葉私家車女司機未有大礙，警方正調查意外原因。
