(曾智華)
香港人平日晚餐，當然周街食。但另一個「卡士」（Class）的，則絕不會如是，正是「會所族」。
這\u88cf講的「會所族」，當然不是油尖旺或土瓜灣唐樓樓上的乜乜聯誼會或工會，而是有身份象徵的名牌會所，只有中產以上階層才有機會加入，例如鄉村俱樂部、遊艇會、高爾夫球會、香港會、馬會
呢類會，會所多屬自己物業，不用交租。反之收入豐厚，尤其入會費，另外月費也不少，故可以請到一級大廚坐鎮。
「會所族」只要有五、七個會籍，就可不用通街與人逼，爭位搵食。更正，個個會所多有泊車位，門口落車，方便到震。小弟除馬會外，乜會籍都冇，但朋友圈中，則幾乎乜會籍都有，於是乎可以嘗盡香港名牌會所廚師功力。
試呀試，上周終於試到五陵會。初初認識這個會，只知其會員熱衷養馬，擁有過不少勁馬。但近年相當低調，會員流動不大，入 會的，不會退會，於是申請人多，入會人少。
點解咁多人想入會？有好多設施享用？不！入會只為有餐好食（當然也有身份象徵）！此處大廚頂班級數，曾多次被挖，終於會所要用一層樓綁住佢（借或替佢畀首期？）。
入會費現今30萬元，有乜好食？
上周某晚大國手陳醫生訂房，菜單：溏心皮蛋酸薑、沙律蝦多士、乾 美極骨、冰鎮南非鮑魚、芫荽皮蛋肉片滾魚湯、薑 油鹽焗奄仔、鴛鴦汁吉列斑球、薑芽咕嚕肉、堂剪煙燻狀元雞、鮮竹杞子浸莧菜、泰國銀芽肉絲炒麵、蛋白杏仁茶、古法馬拉糕。
菜單睇落大路又普通，但點解咁多人 住30萬元等入會？呢個世界冇符碌 ，想知，一於識個五陵會會員，求佢帶你去食返餐正 囉。
