曾智華
一「估」激起千重浪！
估乜？正是近日有風聲指非常具「爭議性」的行政會議成員及中文大學校董張宇人，將會獲頒中大榮譽博士銜頭。消息一出，震動政界、學術界，其他飲食界、官界及傳媒界也奔走相告。過去兩晚小弟的江湖飯局，也以此為主題，人人踴躍發表意見。
點解「肥張」可以咁受關注，套用傳媒術語：佢好鬼Sexy也。相信冇乜邊個唔明白原因，一切皆由張宇人的言論與作風而起，有緣有故也。
飯局中，有人問：「碌Sir，肥張係咪真獲頒榮譽博士仍未確知，已經咁大『噪音』，假若你係佢，會唔會接受呢？」
小弟唔係肥張，但就觀察佢幾十年（上世紀九十年代初，已曾與佢坐過馬會會所管理委員會），深知其公子哥兒脾性，非常自我。可能出身富豪家庭，未捱過窮，唔使睇人面色，更可以唔使理人點諗，獨斷獨行，總之，我喜歡就去馬，話之你死。
基於呢種性格，若中大真頒榮譽畀佢，相信必\u651e，外邊嘈到拆天都冇用。
不過，講返我又如何。若是我，一定唔會接受，幾大婉拒，提名也咪搞！
事實上，N年前已有人想提名我參選「傑出青年」，嘩，一聽即走夾唔\u551e，真係咪害阿叔。
任何榮譽，當事人接受前，都應該考慮主觀與客觀因素。主觀是自己照\u5413鏡再問：「我究竟值唔值先？過唔過到內心把自知之明尺呢？」呢點我完全過唔到。
再講客觀，人\u54cb會否覺得你「受之無愧」呢？做「傑出青年」？外人是否一致覺得你傑出，抑或\u5571\u5571相反呢？若答案並非實至名歸的話，我面懵懵硬闖走去選，\u651e到都畀人噓到瘀爆，為乜呢？
講返中大頒榮譽博士，以肥張性格，我肯定佢必殺！
