曾智華 精彩人生自己創
「天要下雨，娘要嫁人」乃毛澤東名言，另外「世界大趨勢不以個人意志為轉移」，也是鄧小平在生時不斷的教誨。
講坦白一點，是要發生的總會發生，沒有人可以阻擋，逆流而行，一定冇運行！
經濟大趨勢，當然百分百如是。
簡單，當一部手機乜都可以做，包括成為計算機時，你仍堅持製造算盤，是否找死？其實預測任何大趨勢，根本不用大智慧，簡簡單單用常識已足夠。
上周網上瘋傳某大連鎖家品集團，有可能會全線執笠。我有冇似其他人般覺得大新聞，好驚奇，好恐慌，繼而奔走相告，然後猛呻可惜啊可惜咁呢？
絕對冇！此集團有三百幾間分店，通街係，故此，你一定睇到去年開始，集團絞盡腦汁日日有新花款「益消費者」，單單這點，你應感覺到大勢不妙。我點做？火速將所有禮券第一時間清倉，之外，點打折平通街都唔會再買。
家品店冇得做，乃一個大趨勢。當網購平到飛起又可送到上門，咁你仲點會身水身汗撲出街，用更貴價錢買同一類貨品？\u510d的嗎？
一切轉變，冇乜可唔可惜，願唔願意，捨唔捨得，其實早幾年大勢形成，你點可以當睇唔到呢？
同理，香港的大商場，肯定也會慢慢謝晒。除零售業被網購打殘外，更重要，昔日不少內地客來香港，其中一個目的為享受本城商場的先進感，更可用較廉價金錢買到真正名牌。
發展到今天，大轉變早早出現，就是內地各大城市的新落成商場，遠比香港更闊更大更靚，設計方面更新穎及具時代感，而消閒配套也更能吸引年輕消費者，肯定經營者早懂由顧客需要角度部署布局。
唔知？返去行\u5413囉，齋喊香港慘，完全冇用\u35ce。
