曾智華
跑馬為乜令人著迷？因能提供一種開心到爆炸感覺。呢種感覺十年唔逢一閏，但一出現，真係千金難買，非馬迷好難體會。
剛剛周三，本欄公開「秘密」：一為騎師「輪班制」，大哥「軟硬鞭」與二哥「哈囉文」操控大局，負責「編更」，總之我「開飯」日子，你就夢遊馬場，咁就會好好分。其他騎師，大部分時間只好睇住「更表」行事。
小弟又指出，上周「軟硬鞭」連場WQ，已經食到嘔噴奶油，如此，周三當晚會\u519a旗，輪到「哈囉文」開飯。另外，睇布局，韋達出六隻，只用兩位騎師——布文與霍宏聲，每人三隻，應該是出擊部署。
結果中到應！第一場「軟硬鞭」已擺出當晚「唔開工」姿態，騎蔡廄「魅力心」，表演「手軟軟兼隊馬屁股」。我睇《賽馬日在線》直播，安西教練激到幾乎爆血管，拍\u67b1拍\u6ac8猛鬧，相信一收咪更加M到拆天。
潘頓全晚表演「布文去，我唔去」大法。
布文呢，一搏馬即重現國際級大師傅功架，三W皆清脆贏出，走位之妙，拍爛手掌。
好\u561e，小弟點解開心到爆呢？因睇穿韋達大搏殺布局，結果二W一Q一第四。兩隻W，「新幹線」，布文殺，W派133元；「祥勝力駒」霍宏聲爆大冷，四十六倍！我從來細細注大大聲，每隻韋廄馬買十蚊雞W，結果收回近六百元，呢種「仲唔畀我中正你？」的快感，真係爆炸性\u35ce。
今日沙田季內最後一戰，我特別研究容天鵬戰馬，因散倉在即，有機會贏獎金的勢必鍊盡，一為利，二為留個美好回憶。
我會WP捧容天鵬練馬師團體的「風采人生」，鵬哥以這匹馬完結練馬師生涯，何其有意義！
另再以「風采人生」位置過關，拖「團結勇士」及「銳一」。
