公屋首派即巔峰。有市民申請公屋，第一次派屋即派獲有筲箕灣公屋「樓王」之稱的愛東邨。但有關單位卻因一事而被列作凶宅，「幸運兒」正猶豫不決是否接受，日前上網求教網民。豈料網民的反應竟然幾乎一面倒，簡單直接鼓勵——老虎蟹都要；但也有人似乎明白樓主的心情，建議「唔好要」。詳情見下圖及下文：
公屋一派筲箕灣「樓王」 「幸運兒」忐忑：是凶宅 網民反應幾乎一面倒逐張睇↓↓↓↓
樓主有疑慮：係凶宅
樓主前日（9日）在facebook群組「公屋討論區 – 香港facebook群組」發帖，帶點謙卑地求教——「大家好：首派筲箕灣愛東邨愛善樓1-2人單位，各位覺得個位置、交通、食嘢點啊？應唔應該接受？對唔住啊，其實我隱藏咗一個問題：係凶宅，有人喺嗰度跳樓自殺！所以有疑慮！」。
樓主在回應欄補充，單位大176呎，並一再強調是「凶宅！」、「係凶宅啦。2024年8月份發生跳樓事件，可以check（查）到，所以有此顧慮」。
相關閱讀：首派大圍40年樓齡「靚肉」公屋 網民流口水 人妻卻因一原因猶豫不決
網民對凶宅一事拋諸腦後
回應的網民顯然大愛這區的環境和配套，大都對兇宅一事拋諸腦後，紛積極地建議接受。先是恭喜聲不絕：「中頭奬」、「中大獎」、「快去恭喜樓主」、「簡直中大獎呀！」、「我都覺得係中咗大獎」、「中咗六合彩，恨死人，交通方便，買嘢又方便，正啦」。
面對獲派公屋「樓王」，網民的羡慕之情溢於言表，流口水地指「超級正」、「非常好」、「正到爆」、「地鐵隔籬」、「老虎蟹都要」、「要乜有乜咁滯」、「正，無得頂啦」、「非常好的地方」、「正到無可挑剔」、「好的不得了，夢中情屋」、「如果我派到愛東邨就好喇」。
相關閱讀：申請公屋獲派「極上品」ＸＸ邨 打工仔竟想放棄？ 網民挖出驚人錯配原因……
網民力數愛東邨各種好處
網民接著力數愛東邨的各種好處：
•地點週邊配套好；
•俾我都要，交通方便；
•係超級正，附近仲有電車搭；
•勁方便，隔籬商場，前面MTR；
•基本上乜配套都齊全，交通方便；
•正啦，有朋友住嗰度，近地鐵正爆；
•我都係住愛東邨，超級正，一定要呀；
•如果有仔女仲好，附近有名校中小學；
•很方便近地鐵站，夠静，晚餐後行海旁散步；
•市區樓，仲要筲箕灣，唔要就戇居，俾我要硬；
•仲有…食嘢全條東大街…周圍好多嘢食，行遠啲有太安樓；
•愛東幾多人恨都恨唔到，隔籬係地鐵站，旁邊係海濱公園；
•非常好，商場，地鐵，巴士站，街市，重點係近海邊，公園；
•超級好住，買餸平（金華街），交通方便（地鐵巴士小巴咩都有）；
•交通方便。食嘢都算多，基本物資算齊，太安樓多嘢食，行去太古城大概15分鐘。
於是有網民好奇樓主發問的動機，反問「唔接受樓王咁奇？」、「樓王咁濟，仲要諗」、「嘍飯應即刻。仲諗」、「真奇怪，點解唔自己去行下睇下？？？喺度問人？」、「港島區地鐵站附近，俾錢買未必有咁好地段，秒殺喇，仲要諗？」。於是得出曬命結論「你似曬命多啲」、「點解都仲要問，一定係曬命post（帖文）」。
不過，也有少數網民感受到樓主的心情，建議「唔好要」；也有人留言「梗係唔要，等等。第9次應該派山頂」。
資料來源：German Yung＠facebook
相關閱讀：申請公屋等足8年半 首派海景靚樓竟附送XX 大贏家自爆上手住戶原來係……↓↓↓↓
有申請公屋的市民排隊上樓8年半後，2024年中在第一次派樓時便獲得合心水的靚樓單位。另一驚喜是單位不是「清水樓」，竟然附送一樣足以省回5位數字的「贈品」。
獲網民形容為「大贏家」的樓主早前將未入伙，連同無敵海景的吉屋照上載至facebook群組「公屋討論區 – 香港facebook群組」，並自爆獲送「贈品」的因由，期間更透露了上一手住戶的資料↓↓↓↓
