憑TVB處境劇《愛．回家之開心速遞》飾演「接龍」行政部主管「劉德華Andy」而成功入屋的崔錦棠，雖然今年已經55歲，不過他並非「甘草」演員，因為他入行前曾是香港三項鐵人代表隊成員及教練，退役後先後在有線及TVB擔任體育編輯和旁述工作，想不到在4、50歲，因TVB架構重整而轉型成為演員。
崔錦棠小時候經常被同學取笑
近日崔錦棠接受演藝人協會的YouTube頻道「傳承．前輩專訪」的訪問，崔錦棠表示一出世就冇咗隻耳仔，小時候經常被同學取笑，想不到長大後因為「Andy」一角，換來一份莫名的滿足感。
相關閱讀 : 愛回家劉德華餅印仔激罕現身顏值超越爸爸-崔錦棠曾因身體缺陷拒做一事
崔錦棠因身體有缺陷而被取笑：
崔錦棠本身運動健將
在TVB處境劇《愛．回家之開心速遞》飾演「接龍」行政部主管的「劉德華Andy」的崔錦棠，雖然角色吊兒郎當兼「縮骨算到盡」，但原來現實生活是顧家男，而且本身運動健將，曾代表香港參加田徑、足球及三項鐵人賽，為港爭光！近日崔錦棠接受演藝人協會的訪問，他說：「以前啲人叫我做鐵人，而家啲人叫我做Andy，熟悉我嘅人會叫我做Tony。其實我係一個運動員，又係一個演員，我由一個學界尾變成世界賽代表。喺演藝方面，由一個初哥變成而家喺《愛回家》嘅接龍劉德華Andy。」
崔錦棠自問與靚仔完全唔掛勾
崔錦棠還說：「因為我一出世就有缺陷，一出世都係一個其貌不揚的人，亦都係被取笑嘅人，我同靚仔完全唔掛勾，喺我嘅成長過程中，我唔會有自信，唔會覺得機會從事幕前，因為喺我心目中，演員就靚仔。」崔錦棠曾稱天生右耳有缺陷，一出世就沒有右邊耳仔，小時候會被同學和小朋友取笑 ：「我一直都盡量遮 ，當時我只有耳珠，冇咗上面嗰一部分，所以一直遮住，遮到出嚟做嘢，直到拍《天命》嘅時候， 監製叫我剃頭，我同監製話我剃頭係冇咗隻耳，問佢介唔介意，佢話唔介意，之後開始的時候就坦蕩蕩見人。」
崔錦棠曾考慮過做整形手術
崔錦棠稱最初的日子很不自在，幸好慢慢適應下來，到了拍《愛回家》的時候，曾經有想過現在的科技好，可以做整形，不過因監製的一番話而打消了：「監製都問我其實有冇需要？佢哋覺得唔需要整，而且因為整咗，都唔知道點樣交代我嘅角色，事實我覺得喺我呢個年紀仲要做咁大嘅手術，要分幾次做，一來我嘅恢復唔好，二來我不可能停工幾個月，咁我都要養家，所以最終冇做。」崔錦棠坦言一直避免看右邊，就算拍戲都盡量用左邊面，後來因為曾偉權而釋懷：「因為有一次咁啱約咗一個監製傾偈，佢又約咗權權，我講開話想做呢個手術，監製叫我問吓權權有乜意見，權權講呢番話對我很大影響，佢叫我其實唔使介意，你有你自己嘅性格，佢仲舉個例子，當年嘅呂良偉好介意自己嘅疤痕，但最後疤痕就是佢嘅icon，咁樣就令到我很大嘅釋懷。」
《愛回家》有幾咁卧虎藏龍：
崔錦棠入行後等多過做
崔錦棠入行後等多過做，因當時他不懂得建立一個角色：「我唔知演員究竟有幾多大權力，尤其當你越少演戲機會嘅時候，就會越珍惜，更加唔敢亂嚟。直到Andy我才會，拍呢套劇係好舒服，因為我可以隨便改，豐富咗角色，有啲對白係我自己加入去，我都好開心，有啲對白連導演都讚好精警。」對於演員和運動員，崔錦棠稱兩樣都很難，沒有比較：「我去演藝界，都係因為運動先帶到去到演藝界，演藝界畀到我好大滿足，因為做到不同嘅角色，喺人生上好多想做嘅嘢，冇機會經歷同演繹，我都可以去演繹，係一個超級大嘅滿足。」
崔錦棠坦言運動為他帶來無限滿足
崔錦棠續說：「運動係畀我無限滿足，我嘅所有honor、所有self-respect，所有嘢都係嚟自運動，因為我係一個甚麼都沒有，甚至有缺陷嘅小孩，喺成長過程，第一次受別人尊重，係因為運動嘅成績。但而家喺街啲人叫我做Andy，滿足感很大， 因為喺呢兩年感覺到人氣很高，但係收益唔高，我要要養兩個仔，總之睇到出糧夠用，有劇拍就盡力而為，有講波就盡量做好，我對體育係有信心，全部都冇後悔，因為全部都係恩賜，所以唔需要後悔，就算畀我再揀，都係會咁做。」
