馮允謙（Jay）宣布好消息，去年他的第二次紅館個人演唱會「the SOUNDTRACK of my LIFE」，將於5月31日在澳門倫敦人綜藝館舉行。第一次將個人演唱會帶到澳門，Jay非常興奮和期待，希望每位入場的觀眾都滿載而歸，「我真係好期待，因為今次演唱會對於我同埋我嘅fans係好特別嘅moment（時光），我能夠第一次衝出香港舉行個人演唱會，真係非常之難得，所以我好希望可以同fans一齊經歷呢個special moment 。」
大派寵粉福利
寵粉的他大派福利，港幣/澳門幣 $1188門票可近距離參與「J sound check 體驗」、獲得「J小卡」及「J紀念Poster」乙張。港幣/ 澳門幣 $788門票可獲得「J小卡」及「J紀念Poster」乙張、港幣/澳門幣 $588門票可獲得「J紀念Poster」乙張。「大家都知道我好愛錫fans，所以今次要求公司做啲特別嘢畀fans福利，其中有一樣連我自己都好喜歡，就可以sound check入嚟睇我唱歌！」Jay又說：「去年開完第二次紅館演唱會之後，好大嘅滿足感，有啲唔夠喉，好想再開多幾場，一直都好期待將呢個演唱會帶去其他地方，終於衝出香港去澳門開騷，所以我好感恩！」
期待澳門葡撻和美食
為帶給觀眾聽覺和視覺享受，Jay透露積極做gym，希望以最佳狀態踏上舞台。言而澳門的葡撻和美食，亦令他非常期待。「我超級鍾意食嘢，經常同家人去澳門食嘢，每次都可以好放鬆，盡情旅遊，好多開心回憶！」Jay還興奮表示媽咪答應從加拿大飛來澳門捧場，令他非常開心。
將精彩表演帶給觀眾
此外，Jay希望入場的觀眾可以將那兩個多小時全交給他，感受他的音樂。而他亦會好好享受舞台，忠於自己、做自己，將精彩的表演帶給觀眾。作為唱作歌手，Jay經常提及「初心」，他認為每次開始新的創作項目都要像從零開始，保持「玩」的心態及好奇心，才可以發現更多可能性，有新的突破。
