MIRROR成員陳卓賢（Ian）及姜濤昨日(4月7日) 以「星級契爸」身份現身海洋公園探望大熊貓「家姐」、「細佬」，二人開直播與觀眾見面，席間姜濤更即埸表演試食熊貓竹葉，而Ian則預告會與姜濤合唱「家姐細佬後援會」的主題曲。
姜濤Ian齊合唱主題曲
兩位星級「契爸」今日現身海洋公園，並在熊貓館開直播，Ian就預告親自操刀作了一首「家姐細佬後援會」主題曲，新歌與姜濤合唱，並將於4月18日出席「家姐細佬後援會成立典禮」時，首度現場合唱兼首播MV。Ian 透露曲風旋律的靈感來自上一次來探訪熊貓的經驗，「一入到嚟所有煩惱都冇晒，所以想做呢隻歌，就係想比較輕快開心，一入咗呢首歌就所有煩惱都忘記晒，就好似見到熊貓咁。」而在旁的姜濤亦表示好耐無跟Ian合唱，非常興奮。
姜濤險食隔夜竹
直播期間，姜濤見「細佬」大大口在吃竹子，他竟自告奮勇要求試食：「搞到我都好想試吓係咪真係咁好食？我可唔可以試一塊，睇到感覺真係好正，第一次覺得蔬菜係咁好食。」未幾，工作人員火速遞上竹子，姜濤即笑言：「真係有㗎！我喺度食竹又上新聞㗎啦喎，人係咪真係食得㗎 ？我見佢（熊貓）嗰啲好有水份，我呢啲咁乾嘅？」工作人員亦即截停姜濤，表示他手上的竹子是隔夜的，要拿新鮮的給他試，就連主持都表示：「估唔到呢個live可以睇到姜濤食竹子。」場面相當搞笑。
Ian笑稱早餐都食「粥」
在等候期間，姜濤聞一聞竹子，即咳了幾下，並忍唔住輕輕咬了一口，再表示：「咁乾嘅 點咬得開！」Ian 則叫姜濤觀察一下「盈盈」只吃了竹葉，並叫姜濤不要吃竹莖的部份；姜濤隨即問Ian想不想一齊試，Ian 則耍手擰頭笑言：「我今朝早餐都食咗粥，瘦肉粥。」終於等到工作人員遞上新鮮兼充滿水份的竹子，姜濤笑言：「咁客氣呀，其實你有冇諗過我只係講吓！」姜濤咬完一啖又一啖，並笑笑口靜了一會，表示：「好澀啊，我唔知點形容，好苦澀嘅，聞落去有種清香味，但呢浸清香味又唔似我哋平時食蔬菜嗰啲味，好有竹嘅感覺，其實OK嘅，就咪當食沙律咁咋嘛。」姜濤的舉動引得姜糖們都瘋狂留言表示：「偶像好得意」、「同熊貓爭食」、「小心肚痛」等等。
最後，二人亦拎出自己的「家姐細佬後援會」會員卡，並表示於4月8日前加入後援會，即可參加4月18日的入場券大抽獎，如同時擁有「海洋公園全年會籍」的「家姐細佬後援會」會員，更有機會參加由二人帶領的「星級契爸獨家團」，屆時更會有寶麗萊大合照，與粉絲零距離接觸。
