有港女在社交平台發帖公審雪糕店店員，指她因為抗拒椰子味，剛好上手點了藍莓椰子，因此要求店員先洗機，公審帖文結果反被逾千網民鬧爆，有網民指斥事主為「西客之最」，但女事主則反駁指洗機「只係倒杯水」，其實過程簡單快捷，「快過出一杯製成品。」
該港女日前在「香港雪糕關注組」FB專頁發帖，公審旺角一間雪糕店店員拒為她洗機。由於事件引起網民關注，有知情的網民留言指「係可以要求洗機㗎喎」。
樓主自述當時情況如下：
港女買雪糕要店員先洗機 指上手點藍莓椰子：我好抗拒椰子個味 被拒公審店員遭逾千網民鬧爆↓↓↓↓
該港女在帖文中表示，當時她了芒果哈密瓜，但見前一位顧客點顧客點藍莓椰子，她「畀錢果陣已經同店員講，我好抗拒椰子個味，請佢唔該可唔可以洗一洗機先…」。
她批評該店員「淨係顧住鬧返我：『小姐你要買就排收銀呢邊，唔好企雪糕櫃果邊！』」
該港女在帖文中說：「OK…咁其實係咪都可以先洗機？」最後店員沒有洗機即出芒果哈密瓜雪糕，結果「一杯芒果哈密瓜出嚟係淺紫紅色嘅！反轉個底仲有上一手藍莓皮&椰子！」
港女批評店員：如果唔鍾意呢份工就唔好做啦
港女在帖文中批評該雪糕店：「請貴同事如果唔鍾意呢份工就唔好做啦，我嬲到成杯畀咗我老公食，攪到佢以為我今日皇恩浩蕩呀。」
公審帖文結果反被網民鬧爆，帖文引發逾千網民留言，不少人指斥樓主奄尖要求：「買嗰一杯雪糕，就要人地洗部雪糕機……明知自己咁麻Ｘ煩，自己買部喺屋企整啦。」
網民：講得出唔面紅果下好嘢
「講得出唔面紅果下好嘢，$40一杯，佢洗部機嘅時間轉返做人工仲貴過杯嘢。」「西客之最。」「不嬲都係咁㗎啦，你買杯俾老公先之後先自己買呀嘛。」
不過，有網民則留言撐女事主，指該間雪糕店其實可以要求洗機，「係可以要求㗎喎，你識唔識㗎？」「其實呢，好多時員工都會問大家介唔介意，介意嘅話佢會洗機㗎。」、「係可以要求洗機㗎喎。我記得之前我和個女一齊食雪糕，上一手係芒果和菠蘿， 而我女對芒果敏感， 我叫姐姐整咗我嗰杯先，諗住隔一隔會好啲。跟住個姐姐話可以洗機， 再整俾我女食，所以根本人哋本身就有呢個服務」。
港女反駁負評：我就係食咗好多年成日食見得多先知
樓主其後更新帖文回應網民批評，她指洗機其實非常簡單：「大家可以爬下文，都有其他谷友見過，其實只係倒水（有啲店員更會𢳂一球雪糕）入去攪乳酪嗰個錐形透明筒，拉一次兩次就已經洗完，快過出一杯製成品，因為冇阻力。」
她又表示：「我就係食咗好多年成日食見得多先知。」「好多店員係會主動問介唔介意上一手味會主動清機嘅。」她批評負評她的網民：「唔好第一個留言帶咗風向就跟住飄啦。」「唔知唔好走出嚟Ｘ唔該。」
同場加映：躁男攜父母搭車「雪糕筒落車」爆衝突 老母一舉動勸交盡顯教養↓↓↓↓
