(曾智華)
乜叫民意？正是大部分市民的意願。乜叫大白象，即大大隻在眼前，盲 都睇到的一切呀！最近有兩條公眾議題，就正正是「民意大白象」了，可惜一眾高官唔知真定假睇唔到，決定選擇逆民意而行，於是乎令人為之吹脹。
第一宗正是搞到身水身汗，諮詢又諮詢，米都早煲成飯，但仍未郁手的 將網約車納入管制，正正式式定立法例，公開接受申請再發牌。其實，難怪近年中央領導人直接間接不停表示對香港發展非常肉緊——喂，點解咁多瓣唔掂 ，有冇搞錯呀？
網約車在全球大城市，尤其內地，早已上晒軌道。香港要搞，有N咁多參考範例，根本絕無不能解決的關卡，難明為乜拖呀拖，拖到班的士商最近又再有藉口發爛渣。
終於，又要整色整水話「我有執法 」，隨便拉幾架網約私家車做場戲。相信他日上到法庭，也會畀個官省一大頓，然後輕判放人。政府究竟幾時可以搞掂第一隻民意大白象呢？
第二隻，當然是被全港八歲到八十歲嘲笑的「為求更好效果所以唔直播」的啟德體育園開幕典禮。凡有少少傳媒直播經驗者，都會笑到噴飯，咁都講得出？香港幾時倒退到要錄播才有好效果咁「小學雞水平」呀？真難為班出 為政府決定死頂的忠貞建制門外漢。
凡大型重要活動必定直播，早已在半世紀前成為慣例，無論美國總統宣誓、人大會議開幕、北京奧運開幕、中英移交香港儀式、金像獎頒獎典禮 邊次唔係直播？有冇人 到話必須錄播才會「效果更好」咁低層次 ？
呢隻民意大白象，根本完全毋須出現，純粹自我製造「笑位」畀人入，太不智。
仲有幾日，會唔會有可能「撥亂反正」呢？
