深圳配眼鏡｜深圳眼鏡店老闆爆業界蠱惑招 「超A貨」充斥教辨名牌鏡片鏡框真偽｜Juicy叮

港人北上深圳配眼鏡成風，有深圳眼鏡店老闆近日接受Youtuber訪問，大爆業界蠱惑招，揭開業內的低價引流「套路」，與及「超A貨」充斥，如何最簡單直接辨別出名牌鏡片、鏡框甚至驗眼儀器的真偽。

「爆料」的深圳眼鏡店老闆謝先生，在內地擁有28間分店，開業約7年，他接受Youtube頻道「大灣區侶遊」訪問，踢爆港人常見中伏陷阱，足本內容如下：

深圳配眼鏡｜深圳眼鏡店老闆爆業界蠱惑招 「超A貨」充斥教辨名牌鏡片鏡框真偽：↓↓↓↓

深圳眼鏡店老闆謝先生在訪問中指出，蠱惑招他們叫「套路」，最常見是向客人提供「低價引流套餐」，「睇落好平，嚟到消費就唔平」，例如提出免費送鏡架吸引客人光顧，結果送的鏡架「唔好用」或不好看，變相迫客人補錢擔鏡架。

他又指出，內地一些眼鏡店聲稱擁有名牌「蔡司驗眼儀」驗眼，但其實蔡司驗眼儀都有「造假」，他說，一台蔡司驗眼售價約26萬元至28萬元人民幣，但假的蔡司驗眼儀只須3萬元人民幣。

如何分辨正版「蔡司驗眼儀」？他表示可留意以下幾點，包括：正版蔡司驗眼儀有9個攝像頭，假的只有1個至3個攝像頭；客人亦可參看店家有否掛出「蔡司戰略合作店」的招牌，與及在蔡司的「微信公眾號」驗證到相關店是否合作店。

此外，客人可留意正版「蔡司驗眼儀」，旁邊會否同時配有一部電腦（有蔡司商標），該電腦用來直接連結蔡司系統，將驗眼數據直接上傳蔡司，他說，業界造假的「超A貨」一般都不會有蔡司商標的電腦，而只有驗眼機而已。

同場加映：港男實測深圳¥29洗牙¥1980植牙 港牙醫震驚指犯三大錯：「無臉癱真係已經好彩！」↓↓↓↓

實測深圳廉價整牙！港牙醫拆解犯以下三大錯：可能臉癱！

港人北上深圳睇牙漸成風氣，網上有不少人揚言「平靚正」。

港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。

除他本人外，更帶同外父及外母，一同做實測。

這間深圳牙科診所，收費僅香港10分之1。

洗牙¥29（約港幣$31）；植牙¥1980（約港幣$2131）。

他們到達後，先做照CT等檢查。

原來在這診所首次照CT，是免費的。

而且，首次求診，他們由福田搭的士到來的交通費，可向診所報銷。

負責的牙醫，先查詢各人病歷。

牙醫拿著兩枝棉花棒，為外父即時檢查口腔。

其後再觀看X光片，講解可行治療方案。

檢查完畢，再由診所主管報價。

港男表示，報價沒有硬銷的情況。

牙科治療開始前，先量血壓和檢查血糖。

首先，港男剝兩隻智慧齒。

他右下智慧齒，牙腳尖有倒鈎，醫生沒有開刀下硬剝。

他表示，當時非常痛，最後成功剝下，但牙齒腳尖斷裂。

該牙醫表示，殘留的腳尖，會慢慢和牙骨融合，不建議取出。

港男說：「成個（剝牙）過程用咗15分鐘，解決咗我30幾年嘅煩惱。」

他評價說：「佢（牙醫）嘅手勢都OK喎，全程竟然唔使開刀，亦都唔使聯針。」

接著到港男外母，她今次先種3隻牙。

港男計時，種3隻牙，全程只用了36分鐘。

港男說：「點解咁快嘅？……大概7個字嘅時間，就種完三隻牙出返嚟喇。」

他說：「咁有效率嘅？乜種牙，可以快成咁嘅咩，我都係依家先知。」

港男外父因血糖超標，一星期後，再到診所種牙。

外父做治療時，全程量著血壓，又先消毒口腔。

他事後說，今次種牙，一次過打四條樁，「香港唔會咁做。」

港男展示「成棚牙」，指¥29洗牙，「洗得好乾淨。」

外父外母的植牙效果，因要長時間才見真章，他承諾「一年之後會再出片分享結果」。

最後埋單，3人共付款¥43,860（約港幣$47,209）

金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）

他強調絶非廣告，4萬多元是自己「真金白銀俾錢」。

拆解深圳整牙，港牙醫指過程疑有三大錯：

港男實測片曝光後，3名未有透露姓名的本港牙醫，留言詳細拆解當中問題，指有三大錯：

（1）牙醫感染控制意識薄弱

港牙醫指：「（該深圳牙科診所）衛生情況，係全部嘢都包晒焗袋，」

「但佢（該深圳牙醫）手套都唔戴，工具都唔攞就幫你哋檢查，」

「而幫你剝牙嗰個醫生，連手套都無戴就郁盞牙櫈燈，」

「轉過頭就用手套掂返同一位置，再幫你做手術…」

「可想而知，背後佢哋infection control（感染控制）嘅意識，都仲係薄弱。」

（2）無開刀剝智慧齒，隨時臉癱

港牙醫指：「（港男）右下智慧牙腳尖有倒鈎，仲咁近神經線，」

「佢地（該深圳牙醫）竟然唔開刀，就同你直接夾硬剝，腳尖當然會斷！」

「神經線無受影響，無臉癱真係已經好彩。」「你條神經線冇斷都偷笑。」

「你（港男）既智齒咁近神經線，一定要切開隻牙拆件剝。」

「神經線受壓，就有機會出現臨時或永久性麻痺，你願意為平幾千蚊冒呢個風險？」

「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」

「但如果係肯正常開刀處理……好可能可以順利剝出成隻牙根，又避得開神經線創傷，無後顧之憂。」

（3）種牙位置角度不理想，令植體有牙周病風險

港牙醫指：「（港男）外母六枝植體，基本上位置角度都唔係理想，會影響日後清潔。」

「種牙唔係一了百了，植體亦會有牙周病風險，而且會比真牙更加難處理。」

「只係初期完成一般唔會感覺有咩問題，但當清潔困難引發植體牙周炎……」

「到時就算想再種過，亦會因牙骨被嚴重破壞而好難再種。」

該港男其後回應港牙醫留言，表示：「咁驚，多謝你提醒。」

港牙醫分享 「執手尾」經歷

港牙醫又留言分享，「無數次」為北上整牙的公公婆婆「執手尾」的經歷。

他說：「……上去一兩次飲個茶、食個飯，就可能無咩所謂，但整牙咁緊要，真係要搏？」

「香港租貴人工貴，無可避免睇牙價錢，亦會較內地貴，」

「希望各位市民考慮清楚，健康係無價既，搞衰咗唔一定救得返。」

「例如，有缺失牙而經濟上又負擔唔到，寧願唔做/做活動假牙，」

「都唔好返內地夾硬做鑲緊/植牙，事後出事好難搞。」

「以往已經幫過無數個公公婆婆，要剝晒全口既牙齒，」

「就因為佢地唔識，走返大陸搭全口牙橋，」

「結果全部牙都累死晒，到最後逼住做全口活動假牙……已經返唔到轉頭。」

「自己都有兩三次北上消費……的確感覺佢地既服務態度，係真係好，」

「呢點係所有香港人，都真係要學習，包括本地診所醫生姑娘。」

他又指出，業界另一個常見造假是用德國雜牌鏡片，假扮蔡司鏡片，「因為蔡司係德國鏡，佢會賣一個德國嘅品牌畀你，其實唔係蔡司，又唔同你講唔係蔡司，但係價錢同蔡司差唔多。」

他個人認為，鏡片可選擇大品牌，例如蔡司（ZEISS）、依視路（essilor）和HOYA，質素都很好。至於內地鏡片，他個人比較推薦「明月」及「康耐特」，因為國內鏡片品牌，以他所知，暫時只有這兩間是上市公司，「明月」是A股上市公司，「康耐特」是香港上市公司。

他又建議，不要選擇便宜的雜牌鏡片，以漸進鏡片為例，最便宜的雜牌漸進鏡片，成本只須三、四十元人民幣，但他試過後，覺得質量「唔係好掂」，「戴得好唔舒服。」

記取「鏡片原包裝袋」 內藏防偽資訊

至於如何辨別名牌鏡片的真偽，他以蔡司鏡片為例，蔡司鏡片包裝有防偽logo，鏡片上會有「旗仔」防偽標籤，鏡片包裝袋會有蔡司標誌，揭開有二維碼，綁定在微信蔡司公眾號可供驗證，包裝上並寫著品牌資訊，這些都難以造假。

他指出，依視路、明月、康耐特等品牌，鏡片上都有防偽標籤，此外，鏡片原包裝袋都有二維碼可透過微信掃瞄，向官方帳號驗證真偽。換言之，如店家售賣的為正貨，一定會提供鏡片原包裝袋給客人，以證實鏡片真偽。他又表示，客人可以在有關眼鏡片大品牌的微信公眾號，搜索到有關眼鏡店是否指定經銷門店。

談到選購鏡框方面，他指出，曾有人向他兜售「超A貨」的假冒大品牌鏡框，價格僅是正品的20%，「即係正品賣100蚊，佢只係20蚊。」他承認，由於利潤吸引，業內確有店家售賣這些「超A貨」，他強調，「超A貨」的細節位如焊接位、吻合度均與正牌有差距。

至於如何辨別鏡框真偽，他表示，大品牌鏡框，同樣附有二維碼，可以透過掃瞄微信公眾號，辨別真偽，此外，大品牌鏡框會提供授權書給零售店張掛，客人可查閱光顧店家有否這些授權書。

同場加映：網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」↓↓↓↓

網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」

深圳蓮塘「盒裝燒肉」，低至十多元一盒，吸引不少港人選購

本港網民「香港仔」在其Youtube頻道，進行多項深圳燒肉的實測

他強調，國內燒肉有好有壞，有不少良心檔主售賣優質燒肉，不能以隨機一間店舖的盒裝燒肉評測，「一竹篙打一船人」。

他隨機在深圳蓮塘口岸，購買了兩盒共30元、並非現場切的「盒裝燒肉」。

他拿上手，感覺兩盒燒肉有近一斤重。

針對日常用燒肉多放湯，或煎炒，該網民亦就常見烹調方式，進行三項針對性的評測。

第一項評測是放進熱水烚

他將燒肉放進熱水烚了3分鐘，「冇嘢化出嚟」。

但是卻出現一個特別情況，「就係佢（燒肉）突然間脹得好緊要。」

在再烚了4、5分鐘後，他目測指燒肉發大了約一半。

他進行試食，覺得「有啲味道唔同咗」。

但他無法形容這口感，只表示：「我依家都講唔到畀大家聽……總之比平時我哋去街到，即係食個冬瓜湯(裡面)嗰啲燒肉都唔係咁嘅。」

第二項評測是炒

他將燒肉與一盒菠蘿炒飯同炒，結果炒起後，燒肉同樣發脹。

「我真係唔明，點解會突然間發大咗咁多。」

他試食後，只表示覺得「味道有少少唔同」，但仍未有交代不同處。

第三項評測是蒸

他將燒肉放進電飯煲內，同米一同蒸。

結果一樣，燒肉「發得脹得滯」。

至於試食的味道，他只說感覺「有啲唔同」。

他其後將測試片段交給一名做肉檔十多年的親戚觀看。

該業內人士認為，該些燒肉肯定是豬肉，不會是合成肉。

至於發脹的問題，他懷疑是急凍豬肉，並非新鮮豬肉。

「所以導致佢嗰個肉質……發到咁大」。

該網民強調，內地燒肉有不少優質貨，他自己亦經常在內地買燒肉。

今次試食這些燒肉翌日亦「冇肚屙」。

他認為在深圳最好買即場切的原條燒肉，比已切好的盒裝燒肉較有品質保證，另外要光顧相熟的店舖。

該測試引發網民熱烈迴響，不少人指該測試始終不是在實驗室進行，可信度低。

「你嘅測試真係好兒戲啫……不如攞去化驗所做測試……」「呢啲算係乜嘢測試？同冇做有咩分別。」

有網民又批評：「你的測試極有問題！香港的燒肉一樣會冷縮熱漲，任何肉類加熱都會發漲，有懷疑拎去食安署檢查才是，你的測試太無知。」

不過，該測試的網民則回應：「但發得太大了。」

有網民則留言分享，試買深圳燒肉口感與香港不同：「我有買過幾次，唔知點解會係啖啖肉完全冇骨，食落肉質好『鞋』，唔好食之後再冇買。」

「買過蓮塘一間，D味好怪，食咗幾嚿就掉了，怕有問題，抑或係我哋食慣香港燒肉口味呢？」