有網民日前從日本回港，在機場行李輸送帶前等篋時，行李險被一小童「誤取」，她的朋友其後發現該小童，疑似與一成年女子同行，而「佢哋根本唔係等篋」，懷疑有人利用小童伺機偷竊行李。
該網民在社交平台Threads發帖，講述當時的過程，其後亦有網民透露上月（1月）機場等行李時，行李亦曾險被偷走，詳情如下：
機場疑現「偷篋黨」搵小童落手？事主親述險被偷竊過程：第一次遇到咁嘅事：↓↓↓↓
樓主在帖文中表示：「今日係機場差d比人偷左個喼。」她在剛過去的周日（2日），由日本返香港，下機後去到行李輸送帶等行李，「諗住由得個篋轉過嚟，所以無去出行李口等。」她的朋友其後發現，「有個細路女拎咗我個篋」，她們即時上前向該女童表示她拿錯行李。
事主指，女童當時「傾住電話」，聽到她們「問佢做乜拎咗我個篋」，她沒有回答，「二話不說即刻走咗去」。
朋友覺得奇怪，「跟去望佢」，見到該小童「跟咗一個女人一齊」，「佢哋根本唔係等篋，之後仲要走埋。」
同場加映：直擊疑似港男飛首爾機艙偷竊 手法專業一方法轉移賊贓防被擒 落機一度尾隨偷拍者：↓↓↓↓
事主表示，「起初諗係咪佢唔小心拎錯」，但綜合朋友其後觀察，懷疑有人利用小童偷篋。她表示：「搭咗咁多次飛機，等咗咁多次行李，第一次遇到咁嘅事，真係好嬲！如果唔係我朋友醒目見到，我個篋應該無咗。」她呼籲網民小心。
另一網民透露曾遇同類疑似「偷篋」
其後，有另一網民留言表示，她在1月2日由福岡返港，其女兒行李便被人「取走」，她再之前由日本返港，在機場等行李時，亦曾再遇到同類情況，幸朋友及時發現。她表示，「我對上一次返香港，見住兩個平頭佬托走我兩個篋。」當時，她的朋友「即刻衝過去搶返返嚟」。之後，該兩名「平頭佬」「就咁走咗，無等佢哋嘅行李出嚟」，因此懷疑是偷篋。
該網民指出：「差唔多日日都見到有人攞錯篋，真係唔知有心定無意喇。」她亦呼籲網民小心：「就算貼幾多大大張嘅兔仔、小新貼紙、有行李帶都無用，所以落機最好都係，盡快攞返自己個篋，遲一步就乜都追唔返。」
網民：用細路女係擋箭牌
帖文引發熱烈回應，不少網民估計用小童落手，方便「甩身」，「用細路女係擋箭牌，就算俾人捉到都話係細路貪玩。」有網民建議參考深圳寶安機場做法：「咁上次寶安機場做得幾好，有工作人員在場對票對篋先畀走，吾係100%對哂所有人，但都可以起阻嚇作用。」
有前航空公司職員留言表示：「以前做航空公司行李部，其實好常見，尤其是R字頭行李箱或者日本航班，因為冇人check行李牌……」
不少網民表示，對本港機場保安有信心，不論機場是否真有「偷篋黨」存在，呼籲旅客仍要提高警覺：「嘩，好恐怖，所以次次啲人企晒係（行李輸送帶）出口，我都無怨言，因為呢啲先係真係有超高強危機意識嘅人。」「其實，攞行李嘅位置真係大家講自律，因為任何落機嘅人，都可以隨時攞走其他人個喼，不過，諗番無論日本/韓國/泰國啲機場其實都係咁。」
同場加映：情侶機場爭執 港男踢行李落樓梯呼喝女友拾回：↓↓↓↓
