位於將軍澳海濱附近至善街一海景豪宅，早前發生涉及懷疑倒水淋搬屋鄰居的鄰里爭執，事件驚動警方處理。
目擊事件的樓主早前在facebook群組「將軍澳主場」，以「將軍澳某私人屋苑，人家搬屋！」為題，上載相片及長約1分31秒的短片，發長文講述其所見所聞——
相關閱讀：公屋「好鄰居」掛八卦兼舉報富戶 網民驚爆更震撼陣法：香艷ＸＸ左右開弓
疑倒水落街淋搬屋鄰居逐張睇 ＋ 網民不齒↓↓↓↓
樓主發長文講述事件
樓主：「住喺將軍澳咁多年，今日（1月19日）都係我第一次真真正正見證甚麼叫做～人間極品，真係好黐線。大家一齊評下道理！
有一戶人家在上午11點左右進行搬屋，貨車停泊在上落貨位置，搬運哥哥在落貨，突然間樓上的單位業主在露台向貨車倒入兩桶水，貨車上及傢俬濕晒，那時剛好在樓上搬屋的主人單位看到，係清楚嘅見到倒水的一家人，之後連續兩家一齊大鬧，紅色及灰色（見附圖）嘅衫嘅係倒水的人，落到地下還是覺得自己沒有錯，還出手想打人……。
紅衫者說搬屋嘈到佢全家人，如果嘈醒全家，可以考慮搬走，或者買個周圍冇人住嘅咪唔嘈囉……」
相關閱讀：上水公屋戶貼猙獰女鬼照 自製驚恐走廊 房署最後咁處理
疑倒水落街淋搬屋鄰居逐張睇 ＋ 網民不齒↓↓↓↓
因應事件，樓主總結出3點：
樓主：「（1）最底層嘅及隔離屋仔都冇投訴，幾時輪到你這一家人投訴；另外人哋搬屋都只係一陣間啫⋯⋯
（2）倒水落人哋貨車及傢俬度都解決唔到任何問題！有問題可向管理處反映！
（3） 如果下一次輪到你搬屋，而樓上Ｘ樓直接倒水落去你的傢俬度你會點呢？除非你哋一世住喺度唔搬呀！」
相關閱讀：樓上成晚揼唔停 樓下投訴後竟獲道歉回信：我同老婆做ＸＸ較大聲
樓主：傢俬濕晒 司機濕身
樓主在回應網民時提到：
•人哋搬屋都係一個鐘左右就走啦，無啦啦倒水落去，傢俬濕晒，司機都濕埋，最後都要報警處理……
•人哋搬走，亦無得罪佢一家！佢哋嘅理由係嘈住佢一家，但已經是早上11點幾！
•當事人已經搬走咗啦。
相關閱讀：門前一字排開仲唔夠 「鞋子戶」出動呢樣神器放鞋 網民密謀篤背脊
疑倒水落街淋搬屋鄰居逐張睇 ＋ 網民不齒↓↓↓↓
網民估雙方有積怨
透過無聲短片見到，雙方疑似發生爭執，從鳥瞰的拍攝角度去看，有人疑似倒地。
留言的網民批評倒水戶為「人間極品！」、「自私，結果全屋苑都比佢地吵鬧嘈醒晒！」，指「搬屋可以有幾吵啊～又唔係裝修」，估計「應該係搬入之前嘅裝修期已經積落嘅恩怨」。
相關閱讀：住宅鐡閘纏滿神器 八卦天眼七星陣嚇壞網民 大門仲暗藏一駭人絕招
疑倒水落街淋搬屋鄰居逐張睇 ＋ 網民不齒↓↓↓↓
警：涉樓上倒水洗露台
警方回應《星島頭條》查詢時表示，案件列作糾紛，事件中無人受傷亦無人被捕，事情涉及到樓上倒水清洗露台。根據警方資料，倒水的男子年約50歲，對方男住戶47歲，案中的搬運工人44歲。
相關閱讀：住宅鐡閘纏滿神器 八卦天眼七星陣嚇壞網民 大門仲暗藏一駭人絕招
