一名大隻仔早前孭逾300罐啤酒上樓梯的相片在網上瘋傳，網民對其天生神力的舉動都不太敢相信，在半信半疑下有人甚至質疑相片是p圖（改圖）。但隨著大隻仔一段開工短片在網上流傳後，所謂有片有真相，有關的改圖說法不攻自破。
相關閱讀：大力士孭336罐啤酒上樓梯？ 網民半信半疑：最頂兩盆有古怪
大隻仔孭312罐啤酒上樓逐張睇 ＋ 網民Ｏ嘴↓↓↓↓
改圖說法不攻自破
樓主日前在facebook群組「大埔 TAI PO」以「真係好Ｘ堅㗎」為題上載一段長約29秒的短片，片中見到大隻仔在疊貨準備上膊、起錨、上樓梯，到轉彎卸貨的每個運貨階段，從中解答了不少人的疑問。
有網民認得現場為佐敦。仔細一看，有紋身的大隻仔衣著，與上次孭360罐時一樣黑白短褲一道，搬運地點也似乎一樣，不同的是，片中的大隻仔減了搬運的磅數，由孭15盆（24×15=360罐）減至13盆（24×13=312罐），少了48罐啤酒，但啤酒的疊法相似，只是中間少了兩盆。
相關閱讀：旺角奇人揹240罐啤酒行上樓 步履輕盈上樓梯 身份原來係……
大隻仔孭312罐啤酒上樓逐張睇 ＋ 網民Ｏ嘴↓↓↓↓
312罐共重約234磅
按之前有網民提供的方程式計算，13盆，每盆24罐，每罐連罐身約340ml、亦都等於340g，搬312罐，即共重約106kgs（約234磅）。
最令人佩服的是，大隻仔在卸貨後轉身觀看自己的成績，並興奮地舉起右臂，谷起大大隻足以嚇呆網民的老鼠仔，並展示滿足的笑容。
相關閱讀：黑超筋肉人扶實車廂呢個位 坐空中無影凳 網民期待見到這一幕……
大隻仔孭312罐啤酒上樓逐張睇 ＋ 網民Ｏ嘴↓↓↓↓
網民：辛苦錢 搣開都係血汗
回應的網民認為「佢應該去參加奧運」，同時也替大隻仔辛苦，指「辛苦錢，每一蚊搣開都係血汗」，擔心「搵埋唔夠睇醫生」、「差錯腳就走先啦係咁先啦」。
還有人提醒「唔係好過癮㗎咋！我以前都六、七盒汽水咁樣搬呀一次過搬呀，到而家年紀大咗膝頭哥有問題喇！因為當年負重太犀利而家膝頭有傷患呀！」。
大隻仔孭312罐啤酒上樓逐張睇 ＋ 網民Ｏ嘴↓↓↓↓
網民：行家除衫個個彭于晏咁
不過也有人見慣不怪，指「以前搬麵粉條友都一次6包，都300磅」、「我哋咁樣搬200斤嘅嘢都搬咗成廿年啦，最近有一次喺筲箕灣返工撞到一個85歲嘅阿伯，佢都仲係咁樣搬，搬咗幾廿年」、「上環海味街班呀伯，最後生都六張，大部分搬到搏頭有毛，45尺櫃過櫃要包袋再入另一隻櫃，兩條友一日裝到兩個，一筒貨60kg以上，我第一次見嗰陣睇到眼都凸，佢哋咪又係十幾歲搬到60、70歲，除衫個個彭于晏（台灣男演員）咁」。
