做過馬主的必知，養馬並非「正常」投資，就算你花上天價金錢，再請埋名牌練馬師雙劍合璧，心諗應該冇死啦，喂，做唔成馬王都起碼坐硬二班，贏番三五場 ？
但結果分分鐘慘情，可能隻馬根本未出過賽，已因這樣那樣理由被逼退役，血本無歸，真係喊到收唔到聲。
不過，情況可以變成相反，當你純為過 馬主癮，用一百幾十萬元買匹中庸之駟，交中游練馬師操，只望一季執到一場W已還神，哈，但又可能贏到 聲 。
小弟母校聖若瑟書院大群舊生，四年前夾份買 匹馬，放在姚本輝馬房訓練。馬價為一百五十多萬元，睇價錢，應該是中級賽駒。相信一眾師弟也只抱著高興 心情買入，從沒預計有乜大成就。
入貨後做 兩個決定：一、命名為「堅又威」，取母校顏色Green and White；二、決定贏到的獎金大部分用來行善及協助母校發展。
可能好心有好報，又或是馬匹擁有驚人耐戰力及鬥心。前年2月初亮相，竟可密密跑。不止，至今已出賽十四次，取得五W四Q一P，由五十二分起步，加到如今九十六分，睇走勢，作戰力仍在上升中。
更神奇，不同騎師都能駕馭並勝出，華籍得，過江龍都得，包括布文、潘頓及潘明輝。
此馬至今已獲近七百萬元獎金，遠遠遠遠賺回馬價及養馬費，真是名副其實的堅又威！相信幕後團體已密謀再買多幾匹。且又看運氣如何，能否繼續又堅又威喇。
今晚快活谷之戰，練馬師告東尼出馬海戰術，肯定冇咁戇居食白果 。我吼兩隻四班馬，一為「瀧澤飛駒」，一為「鐵甲驌龍」，前者潘頓唔放手，騎告仔馬唔衰得，後者不明物體，但試閘一騎絕塵。
