乜叫Band Uncle？即喜歡打Band的叔叔伯伯是也。佢 個個上世紀五十、六十年代出生，讀番書，自然趕潮流做「飛仔」（有型嘛），投入當時烈燄沖天的樂隊熱潮，個個蜂擁學結他打鼓Keyboard，然後組樂隊參加各項公開賽。
不過，當年打Band，除過 癮或用 追女仔外，根本不可能成為職業，更遑論事業了，事實也不會有父母喜歡個仔變Band仔。
故此，七十年代開始，Band友多各奔前程，有的往外國讀書，有的考入大學，有的專注其他工作，更要為生活奔波面對供樓供車養家 鬼有時間再打Band咩。不過，呢批人早早在內心種下音樂種子，更甚，份「火」根本從未熄滅。
好 ，踏入二千年，全部逐一邁向六十，苦幹半生後，有晒財務自由，子女紛紛自立，開始踏入退休年齡，咁仲唔追回年輕時失去的一切，尤其是打Band？你會發覺近年的工廠大廈，無論新或舊，內\xf9堿狾酗j大小小Band房湧現。千幾呎，裝備豪華的有；粗粗 三兩百呎，似 房的也有，總之就是日日逼滿Band Uncles，人聲鼎沸。當中，你會見到不少昔日紅星出現，包括泰迪羅賓、阿B、陳友，而貴為富豪的鄭中基父親鄭東漢及當年拍檔馮添枝，也不停狂操。操 為乜？並非出Show，純是滿足自己內心的一團火。
最近小弟發覺不少這類Band Uncles，其實個個想表演，想有知音，想有人欣賞，但怕麻煩，更唔想正式開音樂會，怕一邊落重本，一邊也費神，所以，被逼將武功浪費。
咁啦，我有幾百粉絲是音樂發燒友，願意透過聽經典Band Sound做善事。若有任何專業水準的Band Uncles想演出兼行善，你唔使出錢，更唔使煩到暈自己搞，電郵我啦：[email protected]。
