(曾智華)
近日談電影，人人仍主要講《破．地獄》，很多更問幾時會有「導演版」或「加長版」。
我雖然也關心，但已經開始將焦點轉移到另外兩套港產片《得寵先生》及《爸爸》。在《破》片氣勢仍壓全城下，佢 有冇呼吸空間呢？會否無聲無息湮滅呢？
最現實，當然是睇入場數字，一清二楚。《破》仍遙遙領先，《得寵先生》則令人擔心，因已墮在《魔海奇緣2》、《魔法壞女巫》，以至上 不少日子的《焚城》之後，睇走勢，難以反先了。
《爸爸》又如何？不弱，證明劉青雲仍有一定叫座力，排第二，但走勢不算凌厲，唯有希望靠口碑產生韌力。
一眾睇過《爸爸》的老友，皆好奇片中劉青雲的兩幕演出，一為與谷祖琳的床上戲，露一半股。大家當然問：「有此需要嗎？」
答案應在導演翁子光心中，可能佢正要利用這場戲製造話題也不定。
說來，記憶所及，劉青雲露股，在銀幕上也非第一次，有套早年笑片，佢也曾試過裸露，大家可記得，我有冇錯呢？
另一場《爸爸》中頗具爭議的片段，為青雲悶極無聊，更需要發洩性慾，遂按電話召妓女。豈料妓女臨門收錢後，藉口要落街交錢給「馬伕」（扯皮條佬）再回來，就此去如黃鶴。
導演翁子光安排劉青雲在這場戲中自由發揮，將心中抑壓多時的怒火一爆而出。
就此，青雲初則講單字粗口X，繼而情緒無法收拾，摧 傢俬踢爛風扇，再爆出句問候別人娘親的「X你老X」！
又是了，不少老友睇完，也有疑惑，使唔使去到咁盡？一場露股加一句入肉粗口，就好難評為一級片，可給最大公約數的觀眾入場了。值得嗎？有需要嗎？但無可否認，這兩場都是《爸爸》的賣點。
