唔使特別公布，大家都應知道今時今日報紙是如何艱苦地經營。小弟呢類真金白銀每日買五份報紙睇的，肯定已屬瀕臨絕種動物。
我的堅持，主要從Value For Money出發，因世界上根本冇乜商品，超值到好似報紙咁。
老友，如今你買麵包或油炸鬼都10蚊起碼，只得一糰麵粉。一份報紙呢，又係10蚊（《星島日報》），由幾百人日日夜夜艱苦製作，幾十版內容，要乜有乜：新聞、娛樂、副刊、專欄、馬經、財經 講句俗 ，真係抵到嘔！所以，我連埋網上訂閱，每日睇足七份，大滿足。
一個人叻到會飛都只識少少 ，但幾份報紙綜合千人之力，提供的智慧、資訊及視野，絕對是極強的智慧維他命。
不少人放棄睇報紙，因政治立場唔 自己口味。小弟又如何？根本一份報紙的政治版只佔十分一，唔 睇，抽起即掂，使乜因少少不同意見而放棄大量有用精彩內容。
最近識 個報業分銷老行專榮哥，傾談之下，發覺今時今日報販求生，絕對不能靠賣報紙，咁賣乜？原來最好賺為賣樽裝水。
另外，香煙及玩具市場潛力也不可低估。早兩年大型吹氣黃鴨仔浮在維港，立即出現熱潮，個個報攤賣鴨仔，單單尖沙咀某一檔，已賺10萬元計利潤，是否驚人？
另外，旺角銀行中心門口攤檔也是指標。中秋一過，兩種貨品勁好賣，一為利是封，二為運程書，稍有知名度的風水專家書，全部銷得。
仲有，你咪以為如今網上乜色情玩意有齊，冇人再睇鹹書，原來唔係！對，銷量少 ，但仍不俗，有趣在不同區賣不同品種，例如佐敦一帶，最好賣是同志書。
有冇讀者知道點解呢？
