周一本欄標題《上司幾時會「提醒」你？》，主要講出我對啟德體育園開幕可能倒瀉籮蟹一鑊泡的憂心。
今時今日，大家心照，大量人想做阿公 ，但冇機會。同時也有不少人拒絕參與任何公共服務，原因複雜，只能隨時間過去及形勢轉變而解決，冇得急。
雖然如此，個個仍然非常關心香港，尤其不想在國際層面丟臉，到底這城市就是我們的家。
周一文章出街後，引起不少人興趣及和應，當然也私下討論。原來著急的不止小弟，個別對管治充滿經驗的高人也有同樣憂慮。
昨晚相聚，飲 兩杯，在座的高手一齊獻計，個個唔願現真身，咁我將記錄公開啦。
A：任何公眾場地，小至食肆，中至酒店，大至球場，開幕前應做N次「試業」及Dry Run，希望找出一切不足之處及各種可能出現的「鑊」，主事人必須想通想透如何解決，才好正式營運，以免Grand Opening變Grand Disaster！
B：特首「提醒」相關部門，擺明同樣非常擔心。如今已到年尾，Coldplay個Show爆到七彩，將於明年4月舉行，距今只得五個月籌備一切，請大家去啟德現場睇睇，咪話唔心寒。究竟呢幾個月安排 乜 活動去「試業」，搵出「計時炸彈」呢？
C：最最可能一鑊泡為離場時的安排——五萬幾人一齊湧向出口，外面又冇集體運輸系統，你幻想 將會出現乜情況？
最後，「高手P」主動獻計。
P：碌Sir，為防止不愉快（佢冇用不幸）事件發生，首先要控制離場人流。第一，不可以五萬人同一時間衝向出口，如此，就要度計潮水式慢慢疏導，應該設計不同優惠，鼓勵部分人先留低 相關官員構思 先啦，唔掂再搵我。
