今季跑 個幾月馬，資深馬迷應已掌握一定模式，知道班「操控者」基本手影。最鮮明為小弟上周六的標題《方仔霸住「伸縮文」》。今季方嘉柏擺明一條心，旗幟鮮明與布文兩丁友夾份搵食，贏得的馬再冇其他騎師份，全部畀晒布文，頻頻起筷。
可能方仔望再奪冠軍練馬師，故出閘狂放，W 八場，與伍鵬志及沈集成叮噹馬頭。
但方仔只出賽五十四次，比上述兩位少，即命中率更高更準，這個當然與布文有關。
另一模式，是兩大高手「軟硬鞭」及「伸縮文」明顯有晒默契，眉來眼去，總之你去我就縮，誓不串Q，以免Q、PQ及二重彩皆無味。想睇佢兩位大師表演軟硬伸縮功？易！翻睇上周日的二、六、七、八、九場巡邏影片。
今季「軟硬鞭」繼續昔日任縱橫騎法，一倍超級大熱門？你買你 ，邊個話我會出奶力？
兩大師傅「任佢開」情況下，結果至今跑 八十四場馬，兩條大鱷已佔去接近三成半頭馬，剩下的由二十一位騎師分，你話 ，分別係幾咁驚人？馬會高層知唔知？當然知，但請問邊個有能力、有智慧去拆解？
影響之下，一向做三哥的田雞，也只能排第五，最受歡迎騎師何澤堯，更撻到落十三，這個當然與冇 師傅方仔支持有關。
今晚跑快活谷，有兩場並非兩大師傅齊出，較有趣，研究兩場潘頓坐騎。
第七場伍鵬志出兩隻，「堅闖」乃潘頓私家馬，逢出必拼，上次沙田千四米輕鬆W出，今次改跑快活谷，十一檔，可能負責做大樹，遮一遮同廄的「我做到」，後者極準，隨時W得。
第四場潘頓騎伍廄的「晨曦儷人」，也應夠鐘殺馬，今季試準兩次，今鋪熱熱都開餐！
