曾智華
老麥係邊個？正是全球排第一位的騎師麥道朗！
真係離晒大譜，貴為天堂（不只殿堂）級高手，到港兩周，跑十九場，玩遊馬河，一隻頭馬都冇，搞到小弟這粉絲畀老友笑到面都黃。
大佬呀，我鬼知原來佢比「軟硬鞭」更心狠手辣\u35ce咩？潘頓最多\u519a旗一次兩次，就會回魂，而「麥頂流」竟可玩足兩星期唔交貨，真又頂又流！
剛剛周三布局，人人早知潘頓\u519a旗，只騎四隻，騎師王開九倍，邊有咁大隻蛤\u4e78\u5416。果然全部釘釘，連冇人信佢夠膽玩失蹤的「南區之星」照瓜直，擺明當晚唔開飯，留力明天食大茶飯。
麥道朗應也咁諗，因明天贏一場級制大賽，好過贏平時的低班賽十場。
周三前領五大騎師全部W食白果，正唔正常？正常！因全部明天才正式開工。
明天三場二級賽，馬王盡出。馬王絕對唔會出\u569f輸咁癲，更何況咁做打擊其英雄感。跑平磅，唔使用陰謀論睇，一於全部做二重彩複式膽。包括：馬會短途錦標的「嘉應高昇」、馬會一哩錦標的「祝願」、馬會盃的「浪漫勇士」。
有柱躉在場次，冇理由開大熱Q咁冇味，故此就要度二重彩腳。
我會用： 一、「嘉應高昇」拖「舉步生風」、「精算暴雪」及「氣勢」。二、「祝願」拖「越駿歡欣」、「合夥奔馳」及「安遇」。三、「浪漫勇士」拖「遨遊氣泡」、「安聘」及「嘉應傳承」。
另外，若肯定麥道朗明天會紮醒，咁當然冇咁奀豬只贏「浪漫勇士」。以下四隻皆隨時W得，大家可以每隻十蚊W，再位置過關，包括：「福聚」、「嵐臣」、「久久為昇」及「正極」。跑大賽，以欣賞騎功為先，其他為次，如此，才是真正馬迷態度。
