(曾智華)
大家可發覺，近月私家醫院門診，病人少\u5497好多呢？可能我錯覺，但幾次陪人應診，正目睹如此。
想知係真唔係真，易，反正咁多醫生朋友，一問之下，答案——真！
原因不易推斷：一、中產家庭移民，人數以十萬計，大部分皆私家診症病人；二、內地醫療水準及設備急速改善，有些以前到港看病者，寧願選擇留在當地就醫；三、病人「倒流」北上內地看病，因部分大城市醫院較大較平，儀器較新；四、香港經濟急速滑落，尤其在二三四線富豪圈，以前少少唔妥都去全身檢驗，如今\u22ef\u22ef
各位，如有其他原因，煩請告知。
小弟認識不少私家醫生，以前忙到癲，真是賺錢冇得使之餘，也失去部分人生樂趣，例如飲飲食食。如今時間鬆動，可以晚上聚會歎Good Food，增加生活情趣。就此，我與各科醫生見面的時間多\u5497，也可聽到不少趣聞。
例如麻醉專家Y醫生話：「碌Sir，\u55ba手術室替病人麻醉，也有不少笑料\u35ce。通常病人\u7793上手術床之後，會好緊張，故此，好聽話，我叫佢做乜就做乜。」
大家若試過做手術，必知麻醉醫生通常會安慰你幾句才落藥，個別請你數一二三四。大部分人數到二或三已經不省人事，到做完手術甦醒後，會覺得時間停頓，一切好像冇或未發生過。
某次Y醫生又指示病人數一二三四，對方照做，數到三就冇晒知覺。不過，慢慢醒返後奇事發生。因病人從未知自己昏迷過，一醒立即接回之前猛數，繼續：「四五六七八九\u22ef\u22ef」然後問：「醫生，係咪麻醉藥有問題，點解我數到十都未感覺有藥力的呢？」
各位醫生讀者，有好料煩告知，令大家開心\u5413！
