現年43歲的李嘉，曾有「TVB御用惡人」之稱，曾於《巾幗梟雄之義海豪情》演「黑木少佐」，亦於《城寨英雄》中飾演惡貫滿盈的「馮夏滿」，而令人留下深刻印象。1999年加入、並於22年離巢TVB的李嘉，最近接受演藝人協會訪問，表示其TVB生涯絕不平坦，曾因為一次拍攝意外而斷腳爆骨需養傷1年，之後輾轉做過輔警和保鑣，亦在香港國際機場任職無人駕駛車操作員。
李嘉膝頭粉碎骨裂
李嘉近日接受演藝人協會訪問，他表示因為自己自少習武，其父覺得他喜歡郁手郁腳，1999年建議他應徵TVB動作特技演員訓練班，而因為他學習的功夫，和用於拍攝的「武功」並不相同，故此李嘉就頻頻受傷：「有一次我拍攝追該陳國邦的戲份，因為當天下着毛毛細雨，我拍了多次跳起踢腿之後在陳國邦旁邊落下的鏡頭多次也未付能完成，因為體力透支，加上地面濕滑，我就踩錯腳令膝頭哥直接撞地應聲碎裂，之後醫生話腳骨碎咗、軟骨爆晒出嚟，需要做手術攞番啲碎骨出嚟」。
相關閱讀：「TVB御用惡人」李嘉患過敏性結膜炎 疑誤服禁藥一個月險盲 雙眼滿布血絲紅筋
李嘉曾做主持轉當輔警
李嘉之後拿了工傷1年，從此就不能再做龍虎武師。之後李嘉入讀訓練班重新來過，並被安排做主持工作，他曾報道娛樂新聞並訪問劉德華。但隨後因為人事調動，他未能繼續做主持工作，他因而選擇當上輔警。
李嘉曾任職保鑣
李嘉做輔警，原來也因為熱愛演藝事業：「我自小練武，但時代變咗，都要識用槍，咁有咩行業可以接觸到槍呢？所以我就去咗做輔警。做演員必須去體驗生活，唔係做出嚟就會畀人感覺離地」。之後為了生活，他更透過朋友幫助而當上保鑣，他曾於訪問中表示，做保鑣的人工比做演員為高。
李嘉結婚4年育有1女
李嘉與內地太太結婚近4年，二人育一個約1歲的女兒，李嘉為照顧一家大細，約2年前他當上無人駕駛車操作員，他曾透露這份工作未天光就要開工日做12小時，而其工作表現亦得到讚賞，獲頒發安全模範員工獎項。李嘉仍未放棄其藝人身份，現為星王朝旗下藝人，他表示：「依家撞正演藝圈寒冬，咪就第二樣捱住先，捱過咗就會好。就算第時再冇機會發展演藝事業，都唔緊要啦，我都拍過一啲作品，觀眾記得就可以」。
