家居鐵閘日日遭鄰居手多多「試開」實在不勝其煩。有戶主近日在網上連續上載一連4日的天眼短片，見到裝於門外的鏡頭拍攝到鄰居匪夷所思的開閘舉動。戶主把事情向管理處反映後，狂呻自己中伏。詳情見下圖及下文：
鐵閘日日遭鄰居手多多「試開」 門外天眼拍下匪夷所思舉動逐張睇↓↓↓↓
樓主：同管理處反映咗
樓主本月14日在社交平台Threads上載攝於7月13和14日的短片發帖，指「發現隔籬屋個鄰居每日都喺度試開我對鐵閘，又冇證據，所以我哋裝返個Cam（鏡頭），結果真係拍到佢每日不斷咁試開，點算好？」。
樓主本月15日在回應欄補充，「同管理處反映咗，佢哋話呢個人係有啲問題，會聯絡佢屋企人講（我新搬嚟中伏）。如果佢都係繼續騷擾就報警，或會搵社工搞搞佢」。
相關閱讀：青衣公屋「鬼影」鄰居 晚晚行過窗前「裝裝貢」 被揭發後咁解釋都得？！
樓主：佢出門口都會搞我鐵閘
樓主還以「（除了回家）佢出門口都會搞我鐵閘」和「今次聽到屋內有人唔落手」為題，上載分別攝於本月15日和16日的短片。在本月15日拍攝的「佢出門口都會搞我鐵閘」短片中，疑似見到對方離開家門後，連隨拿出鎖匙試圖開啟樓主的鐵閘。
回應的網民都替樓主擔心，有人形容情況「好癲」、「好恐怖喎」，紛嘗試找出鄰居作出如斯舉動的理由：「開錯門？」、「老人家有認知障礙症？」、「要同佢屋企人講，帶佢去看精神科、老人科」、「會唔會腦退化，以為呢度喺自己屋企，嘗試開門，我阿爸腦退化中期都有走錯門口」。但有好眼的網民則認為片中人是「後生仔嚟」。
相關閱讀：將軍澳豪宅戶嫌太嘈 倒兩桶水落街淋搬屋鄰居？ 潑水原因另有說法……
網民認為片中人是後生仔
有人估計「基本上想爆夾，不斷咁試鎖匙」、「其實佢係咪精神有問題，懷疑你屋企乜乜乜先成日搞你度閘」。於是有不少網民排隊作出具建設性的建議：
•掛個牌寫錄影中；
•直接問佢點解要咁做；
•開門隔住個閘同佢對望；
•加個鎖！擺明知係佢啦；
•裝隻會發聲的Cam，播警車聲俾佢聽；
•如果有人喺屋企就即刻開門問佢做乜事；
•Cap（爪）圖，印出嚟，放大，貼在閘門；
•就Print（列印）佢搞你鐵閘CCTV（天眼）畫面貼喺鐵閘；
•印你呢份文連相片出來，黐喺你門口，等條友下次睇到，知道你知道及影緊佢；
•開住錄影，見佢搞你度門即開門，直接問佢咩事，咁咪解決囉，隔住鐵閘，錄影住唔會有事；
•你個Cam本身有冇發聲功能？如果有Mic（咪），一見到以上情況就開大個MiC問佢：先生，有咩幫到你！
網民：報警備案先
另有人笑說「喺門口貼張紙：哈囉，親愛嘅鄰居，請問點解你日日都嘗試開我度鐵閘嘅（再唔得，貼多張女鬼相喺門口震懾對方，加多句：點解呀！（紅色+粗體+斜體+大字體）希望對方會覺得你有精神病而唔再打攪你」。
有網民認真地稱「點都好，報警備案先」、「報警先，等警察處理」、「報警，呢個係企圖爆竊」、「有樣嘢叫備案。而且佢咁搞你度閘應該已經花咗，可以告刑毀」。
資料來源：lighter12＠Threads
相關閱讀：上水公屋戶貼猙獰女鬼照 自製驚恐走廊 房署最後咁處理↓↓↓↓
上水有公屋住戶，在氣窗貼滿猙獰的女鬼照，令走廊彌漫一片恐怖氣氛，有鄰居形容深夜歸家時，「一步一驚心」。
事件最後引來房屋署介入，有網民亦分享現場最新的實拍照，該恐怖住戶懷疑又有「新搞作」。
涉事公屋單位在上水彩園邨，2024年6月25日，有網民在「香港交通突發報料區突發事故資迅谷」FB專頁，發帖指有單位住戶，在向走廊的氣窗，貼上4隻紅衣女鬼照，樣貌猙獰，引起鄰居不安，事件最新發展及房署處理方法，如下↓↓↓↓
