過去五個月，特朗普上場，全球政壇及傳媒評論界，真真好睇好玩到震。
小弟開宗明義睇唔起呢丁「小丑總統」，覺得佢成日掛在口邊的「偉大」，已成「垃圾」同義詞，睇來睇去，都唔知佢邊一忽偉大過。反之，蠻牛百厭星就似十足，冇禮貌、冇規矩、冇文化、冇品味、冇分寸……乜都冇就胡亂出招。
其實只要唔上心，佢真係充滿娛樂性，事實，我都好奇，美國三年幾後會變成一個點樣古靈精怪國家，可會出人意表？
前日小弟形容狂特為「賴朗普」，毫無承擔感與責任感，總之成個小學雞咁，有鑊就第一時間彈開，強調乜都唔關我事，一定係拜登陀衰晒！從未見過一位國家級領袖咁無賴。
不過，無論「賴朗普」有幾無賴，佢班忠貞粉也會替佢解畫——佢一定\u5571\u35ce，捉緊盤大棋呀，你\u54cb唔明咋。
「特粉」也包括不少KOL，幾個月來一直跟著狂特轉，替佢前言不對後語及反口覆舌解畫，搞到自己冇晒邏輯，笑大人個口。
例如，我鮮明舉例指出佢無賴作風。哈哈哈，竟有「特粉」監粗解畫話：「佢就係因為要對付全球的無賴，所以先要自己最無賴！」
嘩，係咪黐\u5497線？同一邏輯，狂特要打擊毒販，自己就要先成立最大販毒集團；狂特要掃黃，就要自己搞鹹竇；狂特要追捕殺人犯，自己就要先養個殺手集團……
崇拜特朗普不是罪，但搞到自己Short\u5497就似乎太過分了一點。尤其明天太陽升起，狂特又有可能Kiss某某人的……咁你又\u510d\u5413\u510d\u5413照跟？
做KOL，可以有立場，但先要有腦有分析能力，具備基本的邏輯思考。否則只是隻「賴朗普鸚鵡」，點會有人Buy？
