(曾智華)
今日標題，我自己一邊寫一邊笑。喂，邊個跑到似中Covid咁誇張呀？
「哈佬文」是也。點解佢似中Covid？講返上周三，佢中完騎師王後，可能飽到嘔，嘔到手腳冇力\u5569。於是到上周六出賽，騎七隻，包括一隻兩倍大熱「舉步生風」，全程手軟腳軟，最後一百米好似力不從心咁款（你信唔信？），又撻埋！
資深馬迷根本毋須做記錄，必知當今兩條大鱷肆無忌憚橫行馬場，搵食有幾個Pattern，十次有九次如此，正是：一、你去我唔去，幾大唔串Q，以免賠率太熱冇得分；二、騎師王由佢兩個\u63f8莊，因至今贏\u5497共一百六十幾場，只會非常偶然才「漏」一次畀其他騎師作\u5413狀，呢個彩池也玩你去我失蹤。上周三「軟硬鞭」棄胡，「哈佬文」順利吞三倍騎師王。好\u561e，到上周六倒轉玩，「軟硬鞭」變硬，「哈佬文」即可能掛住破地獄，雲遊馬場，世界頂流騎師跑七匹，全數食白果，果然犀飛利！
上周六最開心為見到練馬師容天鵬及丁冠豪畢業，前者季初重病絕跡馬場，後得上天及身邊人眷顧，得以回復健康，重返馬場之日，正是東山再起之時，順利畢業，可喜可賀。
至於丁冠豪，睇「閃光燈」及「小鳥天堂」的信心飛，已知贏\u5497九成，事實，看表現兩皆超班也。
老友，潛規則，弱勢馬房一畢業，即會收韁，留返\u5572子彈下季用，粒粒皆辛苦\u35ce。
今晚唯一未畢業馬房鄭廄，出三匹，兩匹有邊線機會，包括「木火兄弟」及「新力」，一於每隻十蚊雞WP打氣。
告東尼出馬不少，當中「勝萬金」及「開心勇駒」跑最擅途程，只要有柯打，隨時殺入前列再W埋，我會以兩隻WP過關二串三。
