現年41歲的吳日言（Yan）與圈外老公Barry結婚並育有一女二子，去年舉家移民英國後，不時在社交平台分享當地生活點滴，吳日言與老公由拍拖至今已經25年，本來二人一直相親相愛，但日前吳日言在發文，表示移英後曾與老公在市中心街頭上鬧大交：「兩個人在大街度對峙十幾分鐘。」
吳日言移居英國經歷了不少波折
吳日言自從移居英國後，經歷了不少波折，日前公開三母子的「病樣」，差不多清空成個藥箱，其後吳日言燒到40℃，血含氧量降到83 ，結果立即睇急症：「驗血再驗血，照肺，心電圖，撩鼻， 醫生話我肺部有感染，但係未知邊一隻菌，需要留院觀察。」其中一張照片見到吳日言吸氧氣，精神略差。
相關閱讀：41歲移英女星三母子家中發高燒血含氧量急降 肺部感染需吸氧氣「救命」：喊咗出嚟
吳日言與老公在市中心街頭上鬧大交：
吳日言希望不再享用NHS床位
吳日言留醫3日終可以出院，她坦言知道NHS床位緊張，希望自己未來30年都不用再享用，留給有需要的人！」昨日吳日言貼一家五口的相片並說：「剛剛大病一場，讓我學懂更加珍惜眼前人。最近睇到娛樂婚姻嘅報道，多數都係悲劇 。朋友早就同我講：『兩公婆去外地生活，拗撬爆燈㗎，因為朝夕相對，你真係會見到對方嘅隱藏功能 。』結果 ……初到埗英國時，我同老公已經喺市中心街頭上鬧大交，兩個人在大街度對峙十幾分鐘。」
吳日言不諱言夫妻鬧交很正常
吳日言不諱言夫妻鬧交很正常，尤其是生了小朋友之後：「老公大多數都會呻以下幾樣：『生仔之後，你完全變咗人！』、『整日鬧我砌模型、儲波鞋、打波！』、『而家對我冇以前咁溫柔喇！』老婆們都想好似以前咁，想食就食、想買就買，做返當年屋企個小公主。只可惜當年嗰件小背心，我哋都已經着唔返啦！朋友群都進化成自己仔女同學嘅家長。每日掛喺嘴邊嘅係：『快啲食！』、『快啲做！』、『快啲瞓！』我同老公由拍拖到而家已經25年，我同佢嘅相處之道就係……畀佢出去玩！不過……我一定會黑面。最重要係，佢要識得返嚟氹返我。兩個人床頭打交，床尾又生多一件，鬧下鬧下咁就幾十年，祝各位家庭相親相愛。」
相關閱讀：吳日言被指開餐廳「走數」$3700被入稟 首發聲明強調已繳款 設計師再反擊：搏同情要不得
吳日言與老公相識至今有不少考驗：
吳日言於16歲開始與Barry拍拖
吳日言於16歲開始與Barry拍拖，當時Barry是中學師兄，二人拍拖初期是遠距離戀愛，只可透過長途電話卡來傳情。捱過了異地戀後，吳日言與Barry再一次受到更大考驗。吳日言將自錄的MD王菲的《給自己的情書》寄到各大唱片公司自薦做歌星，結果被麥浚龍哥哥麥浚翹（大寶）公司賞識，簽約成為旗下歌手，吳日言踏入娛樂圈後，戀情要變得低調，搞到二人一度分手，幸好兜兜轉轉，彼此都發現最愛的人仍是對方。
