Model出身的盧慧敏（Amy Lo）原來好唱得，過去多次與歌手同場合唱，歌藝獲外界一致好評，今年她正式出道，首支個人作品《Red Flag》，Amy Lo坦言對此曲一聽鍾情，「個旋律好有我想表達嘅性格喺入面，可能我平日好少表達自己，又唔多玩社交網站，比較少人見到我真正嘅面向，其實盧慧敏都幾瀟灑，希望我可以透過每一首歌、每一首作品，慢慢畀大家睇到我性格，所以揀咗呢首比較瀟灑嘅歌曲！」
盧慧敏朝早7點到南生圍餵蚊
身為Model的Amy Lo形象百變，而在《Red Flag》MV中同樣以不同造型表達出愛情三部曲，「用三個唔同嘅造型，去表達三個唔同嘅感情狀態，第一個我同導演叫佢做『Delulu』，因為有好多Delusion（幻想）、沉咗船、好開心；第二個係發現有問題，第三個階段決定離開，所以有三個look。」MV拍攝當日，Amy Lo朝早7點已到南生圍開機拍攝，穿上大露背吊帶裙遊走叢林間，代表正投入一段快樂的戀愛關係；之後回到自己的家，穿上貼身白色襯衫加紅色短褲，盡騷長腿的Amy Lo，心情變得忐忑不安，開始發現感情出了狀況，卻沒勇氣承認、面對，還與導演齊齊構思用排山倒海地卸下檸檬，代表關係破裂的心酸情感，最後換上大V領黑色迷你裙，化上冷艷的妝容，代表MV女主角決定做回自己，走出這段關係。
導演更加插一幕漫天羽毛的場景，代表女主角堅定離開的決心，雖然拍攝期間，因為羽毛不時落在Amy Lo的頭上或擋著她的臉，要不斷NG，但為了有更好的效果， Amy Lo毫不介意重新整理妝容重拍，務求拍出最佳效果，相當專業。
盧慧敏愛自己
Amy Lo親解歌名意義：「代表一段關係出現咗『警號』，其中一句歌詞提到對方已經消失6日，如果大家聽呢首歌嘅時候，好不幸地正正身處喺呢種關係，大家不妨聽吓呢首歌，清醒一下，即使對方已經離開，唔再理你，你都可以保持清醒，好瀟灑咁離開呢段關係，尋找你自己嘅幸福同快樂！」當問到與MV女主角有否相似之處？Amy Lo說：「我自己嘅愛情觀，同《Red Flag》嘅歌詞都似，但係我會比MV女主角更加快走出呢段唔健康嘅關係，我覺得任何人都必須先去愛自己，因為當你都唔識得去愛自己嘅時候，又點會有人去愛你呢？」
