有港男日前乘搭香港快運（HK Express），由越南富國島回港，在航班上遇到前座一名小童不斷玩跳凳，最終引致港男被滾水淥手，燙傷紅腫，當港男指斥頑童不是時，小童母親竟反罵受傷港男「黐Ｘ線」。
《星島頭條》正就事件向香港快運查詢。
頑童跳凳生意外 港男搭香港快運遭滾水淥手 童母反罵傷者「黐Ｘ線」↓↓↓↓
男事主日前在「HK Express 香港快運及旅行資訊關注組」FB專頁發帖講述事件，他表示，搭乘快運編號「UO597」的航班，由富國島返香港。
他在帖文中表示，該小童在其前座座位上「喺度跳」，結果「搞到啲滾水淥咗落我隻手度，成隻手紅晒係要睇醫生」。
他批評，該小童母親「有冇病啊」，「你對唔住都唔講聲，仲搵粗口鬧我」。
小童母親罵完傷者 再罵傷者家人
港男發布的短片聽到該小童母親，擰轉身以粗口罵受傷事主：「黐Ｘ線！」其身後有空姐拍其膊頭，似欲嘗試調解。
另一段短片，則看到該小童母親向後座說道：「你收聲！」港男解釋，當時該小童母親正在指罵他母親，港男批評該小童母「係咪有病，自己有錯，鬧完我仲要鬧我阿媽」。
小童父親加入戰團：就喺隔籬嗰行企起身鬧我
該港男其後向《東張西望》表示，當時，除小童母親外，其父親亦有加入罵他：「我鬧咗佢個仔兩句，跟住佢阿媽就發晒癲，企喺度鬧我。呢啲人真係有問題。整親人唔道歉都算啦，仲要講晒粗口咁。佢老公仲好笑，乜都唔知就喺隔籬嗰行企起身鬧我。」
他向《東張西望》表示，該名小童非常頑皮，不斷在座椅上跳，令他的手提電腦多次跌落地，未料當起飛後，他點了一個杯麵食，又因小童再跳座椅，「搞到個杯麵啲滾水，淋咗落我隻手度。」
網民籲報警 事主拒絕：佢冇打我報唔到警
最後，港男被安排調到航班最後一行就坐，機組人員亦有為他燙傷的位置沖水及敷冰，事主發布的照片亦看到其受傷手部已有包紮處理。
網民紛紛留言建議事主可以就事件報警備案，「報警，警察會搵到佢，航空公司有紀錄，唔會走到，搵定律師告條友。」「去報警，唔好嫌麻煩。」
男事主留言回應：「佢冇打我報唔到警。」「依家乜都做唔到。」
同場加映：港爸攜發燒妻女日本硬闖航機 累航班大延誤 黐退熱貼叉腰發難稱「浸温泉太多」↓↓↓↓
